Visa Free Entry ഇന്ത്യയിൽ നിന്നുള്ള യാത്രാ പ്രേമികൾക്ക് ഇതാ ഒരു സന്തോഷ വാർത്ത. ഇന്ത്യൻ പൗരന്മാർക്ക് 30 ദിവസത്തെ വിസയില്ലാ പ്രവേശനം പ്രഖ്യാപിച്ചിരിക്കുകയാണ് ഉസ്‌ബെക്കിസ്ഥാൻ. താഷ്‌കന്റിൽ നടന്ന ഉച്ചകോടിയിൽ ഇന്ത്യൻ പ്രധാനമന്ത്രി നരേന്ദ്ര മോദിയുമായുള്ള കൂടിക്കാഴ്ചയ്ക്കിടെ ഉസ്‌ബെക്കിസ്ഥാൻ പ്രസിഡന്റ് ഷൗക്കത്ത് മിർസിയോയേവ് ആണ് ഇതുസംബന്ധിച്ച പ്രഖ്യാപനം നടത്തിയത്.

ഇന്ത്യയും ഉസ്‌ബൈക്കിസ്ഥാനും തമ്മിലുള്ള വാണിജ്യ, വിനോദസഞ്ചാര ബന്ധങ്ങളും ജനങ്ങൾ തമ്മിലുള്ള സൗഹൃദവും ശക്തമാക്കാൻ ഈ നീക്കം സഹായിക്കുമെന്ന് അദ്ദേഹം വ്യക്തമാക്കി. ഇന്ത്യ രാജ്യത്തിന്റെ വിശ്വസ്തനായ തന്ത്രപ്രധാന പങ്കാളിയാണെന്ന് മിർസിയോയേവ് വിശേഷിപ്പിച്ചു. കഴിഞ്ഞവർഷം ഇരുരാജ്യങ്ങളും തമ്മിലുള്ള വ്യാപാരം ചരിത്രത്തിലാദ്യമായി 100 കോടി ഡോളർ കവിഞ്ഞു. സമീപവർഷങ്ങളിൽ സംയുക്ത സംരംഭങ്ങളുടെ എണ്ണം ഏഴുമടങ്ങായി വർധിച്ചു. നിലവിൽ പ്രതിവാരം 14 നേരിട്ടുള്ള വിമാന സർവീസുകൾ ഇരുരാജ്യങ്ങൾക്കുമിടയിൽ സർവീസ് നടത്തുന്നുണ്ട്.

അതേസമയം, യുഎഇ റസിഡന്റ് വിസയുള്ളവർക്ക് ഉസ്‌ബെക്കിസ്ഥാനിലേക്ക് പോകാൻ നേരത്തെ തന്നെ വിസ ആവശ്യമില്ല. അതിനാൽ മലയാളികളടക്കം ഒട്ടേറെ പേർ ഓരോ അവധിക്കാലത്തും ഈ രാജ്യം സന്ദർശിക്കുന്നുണ്ട്.

പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

യുഎഇയിൽ സെപ്തംബർ മാസത്തെ ഇന്ധന വില പ്രഖ്യാപിച്ചു; പുതിയ നിരക്കുകൾ അറിയാം

Fuel Price ദുബായ്: യുഎഇയിൽ 2026 സെപ്തംബർ മാസത്തെ ഇന്ധനവില പ്രഖ്യാപിച്ചു. കഴിഞ്ഞ മാസത്തെ അപേക്ഷിച്ച് നേരിയ വർദ്ധനവ് രേഖപ്പെടുത്തിയിട്ടുണ്ട്. സെപ്തംബർ 1 മുതൽ പുതിയ നിരക്ക് പ്രാബല്യത്തിൽ വരും. സൂപ്പർ 98 പെട്രോളിന് ഇനി 3.8 ദിർഹമായിരിക്കും വില. ഓഗസ്റ്റിൽ ഇത് 3.6 ദിർഹമായിരുന്നു. സ്പെഷ്യൽ 95 പെട്രോളിന് ലിറ്ററിന് സെപ്തംബർ 1 മുതൽ 3.69 ദിർഹമായിരിക്കും നിരക്ക്. നിലവിലെ നിരക്ക് 3.49 ദിർഹമാണ്.

ഇ-പ്ലസ് 91 പെട്രോൾ വില ലിറ്ററിന് 3.61 ദിർഹമായിരിക്കും സെപ്തംബർ മാസത്തെ നിരക്ക്. നേരത്തെ ഇത് 3.41 ദിർഹമായിരുന്നു. ഒരു ലിറ്റർ ഡീസലിന് ഓഗസ്റ്റിൽ 3.8 ദിർഹമായിരുന്നു നിരക്ക്. സെപ്തംബർ 1 മുതൽ ഇത് 4.3 ദിർഹമായിരിക്കും.

പശ്ചിമേഷ്യയിലെ യുദ്ധസാഹചര്യങ്ങളാണ് ഇന്ധന വില ഉയരാൻ കാരണം.