Ethihad Rail അബുദാബി: ഇത്തിഹാദ് റെയിൽ യാത്രക്കാരുടെ എണ്ണത്തിൽ വൻ വർദ്ധനവ്. ടിക്കറ്റ് വിൽപന ലക്ഷം കടന്നു. വേനലവധി കഴിഞ്ഞ് പ്രവാസികളും സ്വദേശികളും മടങ്ങിയെത്തിയതോടെയാണ് ഇത്തിഹാദ് റെയിൽ യാത്രക്കാരുടെ എണ്ണത്തിൽ വൻ വർധനവുണ്ടായിരിക്കുന്നത്. ജൂണിൽ അബുദാബിക്കും ഫുജൈറക്കുമിടയിൽ പരീക്ഷണാടിസ്ഥാനത്തിൽ ആരംഭിച്ച സർവീസുകളിലൂടെ ഇതുവരെ ഒരു ലക്ഷത്തിലധികം ടിക്കറ്റുകളാണ് വിറ്റഴിഞ്ഞത്.

സെപ്തംബർ 30ന് ദുബായ്, ഷാർജ സ്റ്റേഷനുകൾ ഉൾപ്പെടുന്ന ശൃംഖലയും തുറക്കും. ഇതോടെ കൂടുതൽ ആളുകൾ ദൈനംദിന യാത്രക്കായി ട്രെയിൻ സർവീസുകളെ ആശ്രയിക്കുമെന്നാണ് കരുതുന്നത്. കുടുംബാവശ്യങ്ങൾ, ചികിത്സ, വിനോദയാത്രകൾ തുടങ്ങിയ ആവശ്യങ്ങൾക്കായി റോഡ് മാർഗമുള്ള യാത്രക്ക് പകരം, കൂടുതൽ സുഖകരവും തടസ്സമില്ലാത്തതുമായ ബദൽ സംവിധാനമായി ഇത്തിഹാദ് റെയിൽ മാറിയതായി യാത്രക്കാർ സാക്ഷ്യപ്പെടുത്തുന്നു. എല്ലാ വിഭാഗം ജനങ്ങളിൽ നിന്നും വലിയ സ്വീകാര്യതയാണ് റെയിലിന് ലഭിക്കുന്നതെന്ന് ഇത്തിഹാദ് റെയിൽ ചീഫ് ഓപ്പറേറ്റിങ് ഓഫീസർ അസ്സ അൽ സുവൈദി പറഞ്ഞു.

കുടുംബങ്ങളും ദിനംപ്രതി ജോലിക്ക് പോകുന്നവരും ഉൾപ്പെടെയുള്ളവർ ട്രെയിൻ യാത്ര തിരഞ്ഞെടുക്കുന്നുണ്ട്. വരാനിരിക്കുന്ന ദുബായ് സ്റ്റേഷന്റെ ഉദ്ഘാടനവും സെപ്തംബർ 30ലെ ഔദ്യോഗിക നെറ്റ് വർക്ക് വിപുലീകരണവും പൂർത്തിയാകുന്നതോടെ കൂടുതൽ ആളുകൾ ദൈനംദിന ജീവിതത്തിന്റെ ഭാഗമായി ട്രെയിൻ യാത്രയെ മാറ്റുമെന്നും അസ്സ അൽ സുവൈദി അറിയിച്ചു. കൃത്യസമയത്തുള്ള സർവീസും സ്റ്റേഷനുകളിലെ എളുപ്പത്തിലുള്ള രജിസ്ട്രേഷൻ നടപടികളും മികച്ച സ്വീകരണവുമാണ് പ്രധാന ആകർഷണം. ട്രെയിനിലെ ഭക്ഷണ ലഭ്യത, കുട്ടികൾക്കായുള്ള പ്രത്യേക മെനു, സുഖകരമായ സീറ്റുകൾ എന്നിവ കുടുംബങ്ങൾക്ക് മികച്ച യാത്രാനുഭവമാണ് നൽകുന്നത്. അടിയന്തര മെഡിക്കൽ ആവശ്യങ്ങൾക്കും മറ്റും അബൂദബിയിലേക്ക് എത്തി തിരിച്ചുപോകാൻ റെയിൽ സർവീസ് വലിയ സഹായമാകുന്നു.

യുഎഇയിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

14 വർഷത്തെ കാത്തിരിപ്പിന് വിരാമം; ‘ടാക്കോ ബെൽ’ യുഎഇയിലേക്ക് തിരിച്ചെത്തുന്നു; മെക്സിക്കൻ രുചികളുമായി വമ്പൻ മടങ്ങിവരവ്!

Taco Bell UAE ദുബായ്: ലോകപ്രശസ്ത മെക്സിക്കൻ ഫാസ്റ്റ് ഫുഡ് ശൃംഖലയായ ടാക്കോ ബെൽ യുഎഇയിലേക്ക് തിരിച്ചെത്തുന്നു. പ്രമുഖ ഭക്ഷണ ശൃംഖലയായ അമേരിക്കാന റെസ്റ്റോറന്റ്‌സും ടാക്കോ ബെൽ യുകെ ആൻഡ് യൂറോപ്പും തമ്മിലുള്ള പുതിയ പങ്കാളിത്തത്തിലൂടെയാണ് ഈ മടങ്ങിവരവ്. 14 വർഷത്തെ ഇടവേളയ്ക്ക് ശേഷമാണ് ടാക്കോ ബെൽ വീണ്ടും യുഎഇ വിപണിയിൽ സജീവമാകുന്നത്. യുഎഇയിൽ നിന്ന് ആരംഭിച്ച് ഘട്ടം ഘട്ടമായി മറ്റ് ജിസിസി രാജ്യങ്ങളിലേക്കും പ്രവർത്തനം വ്യാപിപ്പിക്കാനാണ് കമ്പനികളുടെ ലക്ഷ്യം. നേരത്തെ ദുബായിലടക്കം നിരവധി ഔട്ട്‌ലെറ്റുകൾ ഉണ്ടായിരുന്ന ടാക്കോ ബെൽ 2012-ലാണ് യുഎഇ വിപണി വിട്ടത്. എന്നാൽ പിന്നീട് മെക്സിക്കൻ രുചികൾക്ക് പ്രവാസികൾക്കിടയിലും സ്വദേശികൾക്കിടയിലും വലിയ സ്വീകാര്യത ലഭിച്ചതോടെയാണ് ബ്രാൻഡ് വീണ്ടും എത്തിക്കാൻ അമേരിക്കാന തീരുമാനിച്ചത്. “മികച്ച രുചിയും മൂല്യവും ആഗ്രഹിക്കുന്ന പുതിയ തലമുറയ്ക്കായി രൂപകൽപ്പന ചെയ്ത ബ്രാൻഡാണ് ടാക്കോ ബെൽ,” എന്ന് അമേരിക്കാന റെസ്റ്റോറന്റ്‌സ് ബോർഡ് ചെയർമാൻ മുഹമ്മദ് അലബ്ബാർ പറഞ്ഞു. പുതുമകൾ സ്വീകരിക്കുന്ന ദുബായിൽ നിന്ന് ആരംഭിച്ച് യുഎഇയിലുടനീളം ടാക്കോ ബെൽ വിപുലീകരിക്കുമെന്നും അദ്ദേഹം കൂട്ടിച്ചേർത്തു. നിലവിൽ ലോകമെമ്പാടും ഒമ്പതിനായിരത്തിലധികം റെസ്റ്റോറന്റുകൾ ടാക്കോ ബെല്ലിനുണ്ട്. പുതിയ ഔട്ട്‌ലെറ്റുകൾ എവിടെയായിരിക്കുമെന്നോ എന്നുമുതൽ പ്രവർത്തിച്ചു തുടങ്ങുമെന്നോ ഉള്ള കാര്യങ്ങൾ കമ്പനി ഇതുവരെ ഔദ്യോഗികമായി വെളിപ്പെടുത്തിയിട്ടില്ല. എങ്കിലും ആദ്യ ശാഖ ദുബായിൽ തന്നെയാകാനാണ് സാധ്യത. യുഎഇയിൽ കെഎഫ്‌സി, പിസ ഹട്ട് എന്നിവ വിജയകരമായി നടത്തുന്ന അമേരിക്കാനയുടെ പിന്തുണയോടെയുള്ള ടാക്കോ ബെല്ലിന്റെ വരവ് വലിയ പ്രതീക്ഷയോടെയാണ് ഭക്ഷണപ്രേമികൾ നോക്കിക്കാണുന്നത്.