Global Prosperity Index കുവൈത്ത് സിറ്റി: ആഗോള സമൃദ്ധി സൂചികയിൽ കുവൈത്തിന് അഭിമാന നേട്ടം. ലെഗാറ്റം ഇൻസ്റ്റിറ്റ്യൂട്ട് പുറത്തുവിട്ട 2026-ലെ ആഗോള സമൃദ്ധി സൂചികയിൽ അറബ്-ഗൾഫ് രാജ്യങ്ങളിൽ കുവൈത്ത് ഒന്നാം സ്ഥാനത്തെത്തി. ലോകത്തിലെ 161 രാജ്യങ്ങളാണ് പട്ടികയിൽ ഉൾപ്പെട്ടിരിക്കുന്നത്. ഈ പട്ടികയിൽ ആഗോളതലത്തിൽ കുവൈത്ത് 50-ാം സ്ഥാനത്താണ്. പുതിയ സൂചിക തയ്യാറാക്കിയിരിക്കുന്നത് കേവലം ജി.ഡി.പി അല്ലെങ്കിൽ സാമ്പത്തിക വളർച്ച മാത്രം മാനദണ്ഡമാക്കാതെ വികസനം, വ്യക്തിസ്വാതന്ത്ര്യം, സാമൂഹിക അന്തരീക്ഷം എന്നിവയെ ഏകോപിപ്പിച്ചാണ്. 2023-ന് ശേഷം പുതിയ രീതിശാസ്ത്രം (Methodology) ഉപയോഗിച്ച് പുനഃക്രമീകരിച്ച് പുറത്തിറക്കിയ ആദ്യ പതിപ്പാണിത്. ‘P-averaging’ എന്ന പുതിയ ഗണിതശാസ്ത്ര രീതി ഉപയോഗിച്ചതിനാൽ, ഒരു മേഖലയിലെ കടുത്ത വീഴ്ച മറച്ചുവെക്കാൻ മറ്റൊരു മേഖലയിലെ ഉയർന്ന പ്രകടനം കൊണ്ട് സാധിക്കില്ല.

വിവിധ മേഖലകളിൽ കുവൈത്തിന്റെ ആഗോള റാങ്കിംഗ്:

ജീവിതനിലവാരം: 22
ആരോഗ്യം: 37
സാമ്പത്തിക സ്വാതന്ത്ര്യം : 21
വികസനം : 42
വ്യക്തിസ്വാതന്ത്ര്യം: 59
സിവിൽ സമാധാനം : 62
സാമൂഹിക ഭദ്രത : 70
വിദ്യാഭ്യാസം : 105

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

വയറിംഗ് ജോലിക്കിടെ കുഴിയിൽ വീണു; കുവൈത്തിൽ പ്രവാസി തൊഴിലാളിയ്ക്ക് ഗുരുതര പരിക്ക്

Critically Injured കുവൈത്ത് സിറ്റി: കുവൈത്തിൽ വയറിംഗ് ജോലിക്കിടെ കുഴിയിൽ വീണ പ്രവാസി തൊഴിലാളിയ്ക്ക് ഗുരുതര പരിക്ക്. ജോലിസ്ഥലത്ത് ഇലക്ട്രിക് വയറിംഗ് അറ്റകുറ്റപ്പണികൾ നടത്തുന്നതിനിടെ ഏകദേശം മൂന്ന് മീറ്റർ താഴ്ച്ചയുള്ള കുഴിയിൽ വീണ ഈജിപ്ഷ്യൻ തൊഴിലാളിയ്ക്കാണ് പരിക്കേറ്റത്. കുഴിയിൽ വീണ ഇദ്ദേഹം അവശിഷ്ടങ്ങൾക്കിടയിൽ കുടുങ്ങിയിരുന്നു.

മെഡിക്കൽ റിപ്പോർട്ട് അനുസരിച്ച് തൊഴിലാളിയെ ആശുപത്രിയിലെത്തിക്കുമ്പോൾ ഇദ്ദേഹത്തിന് ഹൃദയമിടിപ്പും ശ്വാസോച്ഛ്വാസവുമില്ലായിരുന്നു. മെഡിക്കൽ ടീം ഉടൻ തന്നെ ഇദ്ദേഹത്തിന് സിപിആർ നൽകി. പിന്നീട് തുടർ ചികിത്സയ്ക്കായി ഇദ്ദേഹത്തെ തീവ്രപരിചരണ വിഭാഗത്തിൽ പ്രവേശിപ്പിച്ചു.