Emirates Group ദുബായ്: മിഡിൽ ഈസ്റ്റ് സംഘർഷത്തിനിടയിലും ചരിത്ര നേട്ടവുമായി യുഎഇയിലെ പ്രധാന വിമാനക്കമ്പനി എമിറേറ്റ്സ്. 2024-25 സാമ്പത്തിക വർഷത്തിൽ ഗ്രൂപ്പിന്റെ ലാഭത്തിലും വരുമാനത്തിലും സർവകാല റെക്കോർഡാണ് രേഖപ്പെടുത്തിയത്. നികുതിക്ക് മുമ്പുള്ള ലാഭം 18 ശതമാനം വർധിച്ച് 2,270 കോടി ദിർഹത്തിലെത്തി.

യാത്രാക്കാരുടെ എണ്ണത്തിലുണ്ടായ വൻ വർധനവും ചരക്ക് നീക്കത്തിലെ കുതിച്ചുചാട്ടവുമാണ് എമിറേറ്റ്സിന് ഈ നേട്ടമുണ്ടാകാൻ കാരണം. ഗ്രൂപ്പിന്റെ മൊത്തം വരുമാനം ആറ് ശതമാനം വർധിച്ച് 14,540 കോടി ദിർഹമായി ഉയർന്നിരിക്കുകയാണ്. യാത്രാ സൗകര്യങ്ങളിലെ ഗുണനിലവാരവും ആഗോളതലത്തിൽ വർധിച്ചുവരുന്ന ആവശ്യകതയുമാണ് ഈ വിജയത്തിന് പിന്നിലെന്ന് എമിറേറ്റ്സ് ഗ്രൂപ്പ് ചെയർമാനും ചീഫ് എക്‌സിക്യൂട്ടീവുമായ ശൈഖ് അഹമ്മദ് ബിൻ സയീദ് അൽ മക്തൂം അറിയിച്ചു. എമിറേറ്റ്സ് എയർലൈൻ മാത്രം 2,120 കോടി ദിർഹം ലാഭമുണ്ടാക്കി (20% വർധനവ്). കഴിഞ്ഞ വർഷം എമിറേറ്റ്‌സിൽ യാത്ര ചെയ്തത് 5.37 കോടി പേരാണ്.

LATEST JOB IN UAE-DAILY UPDATING…	APPLY NOW
HOSPITAL JOBS IN UAE-DAILY UPDATING…	APPLY NOW
AIRPORT AND AIRLINE JOB IN UAE -DAILY UPDATING…	APPLY NOW
TEACHING JOB IN UAE -DAILY UPDATING…	APPLY NOW
LOGISTICS JOB IN UAE-DAILY UPDATING…	APPLY NOW
ACCOUNTING JOB IN UAE-DAILY UPDATING…	APPLY NOW

New Trade Route ഹോർമൂസ് കടലിടുക്കിനെ ഒഴിവാക്കി യുറോപ്പിൽ നിന്ന് സൗദിയിലേക്ക് പുതിയ വ്യാപാര പാത; വിശദാംശങ്ങൾ……

New Trade Route റിയാദ്: ഹോർമൂസ് കടലിടുക്കിനെ ഒഴിവാക്കി യുറോപ്പിൽ നിന്ന് സൗദിയിലേക്ക് പുതിയ വ്യാപാര പാത. സൗദി അറേബ്യയിലെ തുറമുഖങ്ങളെയാണ് കര ജല മാർഗത്തിലൂടെ യൂറോപ്പുമായി ബന്ധിപ്പിക്കുന്നത്. ഈ പാതയിലൂടെ ചരക്കു നീക്കത്തിനു തുടക്കമിടുന്നത് ലോകത്തിലെ ഏറ്റവും വലിയ കണ്ടെയ്നർ ഷിപ്പിങ് കമ്പനിയായ എംഎസ്സിയാണ്. യൂറോപ്പിൽ നിന്നുള്ള കപ്പലുകൾ ചെങ്കടലിലൂടെ ജിദ്ദ ഇസ്ലാമിക് പോർട്ടിലും റാബിഗിലെ കിങ് അബ്ദുല്ല പോർട്ടിലും എത്തിക്കും. അവിടെ നിന്നു ചരക്കുകൾ കരമാർഗം ദമാമിലെ കിങ് അബ്ദുൽ അസീസ് തുറമുഖത്ത് എത്തിക്കും. ദമാമിൽ നിന്ന് ഫീഡർ കപ്പലുകൾ വഴി യുഎഇ അടക്കം അറേബ്യൻ ഗൾഫിലെ വിവിധ തുറമുഖങ്ങളിലേക്കു എത്തിക്കുകയാണ് ലക്ഷ്യം.

സൗദിയിലേക്ക് കപ്പലുകൾ എത്തുന്നത് ഗഡാൻസ്‌ക് (പോളണ്ട്),ബ്രെമർഹാവൻ (ജർമ്മനി), ആന്റ്വെർപ് (ബെൽജിയം), വലൻസിയ (സ്‌പെയിൻ), ബാഴ്സലോണ (സ്‌പെയിൻ), ജിയോയ ടൗറോ (ഇറ്റലി) എന്നീ തുറമുഖങ്ങളിൽ നിന്നാണ്. 16,000 സ്റ്റാൻഡേർഡ് കണ്ടെയ്നറുകൾ വഹിക്കാൻ ശേഷിയുള്ള കപ്പലുകളാണ് ചരക്ക് നീക്കത്തിനായി ഉപയോഗിക്കുക. സൗദി അറേബ്യയെ മൂന്ന് ഭൂഖണ്ഡങ്ങളെ ബന്ധിപ്പിക്കുന്ന ആഗോള ലോജിസ്റ്റിക് ഹബ്ബാക്കി മാറ്റാനുള്ള ദേശീയ ഗതാഗത-ലോജിസ്റ്റിക് തന്ത്രത്തിന്റെ ഭാഗമായാണ് ഈ നീക്കമെന്നാണ് ബന്ധപ്പെട്ട വൃത്തങ്ങൾ വ്യക്തമാക്കുന്നത്.

മേഖലയിലെ ഗതാഗത സൗകര്യങ്ങൾ കൂടുതൽ വർധിപ്പിക്കാനും വിതരണ ശൃംഖലയുടെ സുരക്ഷ ഉറപ്പാക്കാനും പുതിയ സംവിധാനം സഹായിക്കുമെന്ന് അധികൃതർ പറഞ്ഞു. കര-കടൽ ഗതാഗത മാർഗങ്ങളെ സംയോജിപ്പിച്ച് കൂടുതൽ വിപുലമായ ലോജിസ്റ്റിക് ശൃംഖല രാജ്യത്ത് സ്ഥാപിക്കാനാണ് ഇതിലൂടെ ലക്ഷ്യമിടുന്നത്. ജിദ്ദയിൽ നിന്ന് ഇന്ത്യയിലേക്കു നേരിട്ടു ജല മാർഗം ചരക്ക് നീക്കം സാധിക്കും. എന്നാൽ, ഇതിനുണ്ടാകുന്ന ഭാരിച്ച ചെലവ് കണക്കിലെടുത്തു മാത്രമേ ഈ സാഹചര്യം ഇന്ത്യയ്ക്ക് ഉപയോഗപ്പെടുത്താൻ സാധിക്കൂ.

Big Ticket ഭാഗ്യദേവത കടാക്ഷിച്ചു; യുഎഇയിൽ ഒറ്റരാത്രികൊണ്ട് കോടീശ്വരന്മാരായി അഞ്ച് പ്രവാസികൾ

Big Ticket അബുദാബി: ബിഗ് ടിക്കറ്റ് നറുക്കെടുപ്പിൽ ഭാഗ്യദേവത കടാക്ഷിച്ചതോടെ ഒറ്റരാത്രികൊണ്ട് കോടീശ്വരന്മാരായി അഞ്ച് പ്രവാസികൾ. അബുദാബി ബിഗ് ടിക്കറ്റിന്റെ സീരീസ് 286 നറുക്കെടുപ്പിൽ സാന്ത്വന സമ്മാനമായി 10 ലക്ഷം ദിർഹം (രണ്ടര കോടിയിലേറെ രൂപ) വീതമാണ് അഞ്ച് ഇന്ത്യക്കാർക്ക് ലഭിച്ചത്. ഇതിൽ രണ്ട് മലയാളികളും ഉൾപ്പെടുന്നു. ഒമാനിൽ ജോലി ചെയ്യുന്ന മുരളി വാഴയിൽ, അജ്മാനിൽ അക്കൗണ്ട് മാനേജരായ ലിയോ ലോറൻസ് എന്നിവരാണ് മലയാളികൾ.

ഒമാനിൽ സൂപ്പർവൈസറായി ജോലി ചെയ്യുകയാണ് മുരളി. കഴിഞ്ഞ എട്ടു വർഷമായി അദ്ദേഹം ബിഗ് ടിക്കറ്റിൽ ഭാഗ്യം പരീക്ഷിക്കുന്നുണ്ട്. 20 പേരടങ്ങുന്ന നാല് വ്യത്യസ്ത ഗ്രൂപ്പുകളിലായാണ് അദ്ദേഹം ടിക്കറ്റെടുക്കാറുള്ളത്. സ്വന്തം പേരിൽ ടിക്കറ്റെടുക്കാൻ തുടങ്ങിയിട്ട് ഒൻപത് മാസമേ ആയിട്ടുള്ളു. ഇപ്പോൾ ലഭിച്ച സമ്മാനത്തുക 20 പേർക്കുമായി വീതിച്ചു നൽകുമെന്നും ഈ തുക ഞങ്ങളുടെയും കുടുംബങ്ങളുടെയും വലിയ സ്വപ്നങ്ങൾ സാക്ഷാത്കരിക്കാൻ സഹായിക്കുമെന്നും അദ്ദേഹം പറഞ്ഞു.

2014 മുതൽ അജ്മാനിൽ കുടുംബത്തോടൊപ്പം താമസിക്കുന്ന വ്യക്തിയാണ് ലിയോ ലോറൻസ്. തനിക്ക് എന്തോ നല്ലത് സംഭവിക്കാൻ പോകുന്നുണ്ടെന്ന് ടിക്കറ്റ് നറുക്കെടുക്കുന്ന ദിവസം രാവിലെ ലിയോ ഭാര്യയോട് പറഞ്ഞിരുന്നു. മകളെ ഡോക്ടറെ കാണിക്കാൻ പോകുന്നതിനിടെയാണ് ലിയോയെ തേടി ഭാഗ്യവിവരമെത്തിയത്. അടുത്തിടെ സ്വന്തമായി ലിയോ ഒരു വില്ല വാങ്ങിയിരുന്നു. ഇതിന്റെ ലോൺ തിരിച്ചടവിന് സമ്മാന തുക സഹായിക്കുമെന്ന സന്തോഷത്തിലാണ് ലിയോ ഇപ്പോൾ. 10 സഹപ്രവർത്തകർ ചേർന്നാണ് ലിയോ ടിക്കറ്റെടുത്തത്.

മലയാളികൾക്ക് പുറമെ തമിഴ്‌നാട് സ്വദേശിയായ സോഫ്റ്റ് വെയർ എൻജിനീയർ ചൈതന്യ കുമാരി, ബംഗളൂരു സ്വദേശി രജത് ഉപാധ്യായ, മംഗളൂരു സ്വദേശി റിതേഷ് ലോബോ എന്നിവർക്കും 10 ലക്ഷം ദിർഹം വീതം സമ്മാനം ലഭിച്ചു. 14 വർഷമായി യുഎഇയിലുള്ള ചൈതന്യ ആറാം തവണ എടുത്ത ടിക്കറ്റിലൂടെയാണ് ഭാഗ്യവതിയായത്. തമിഴ്നാട്ടിലായിരുന്നപ്പോൾ സമ്മാനവിവരം അറിയിച്ചുകൊണ്ടുള്ള ഫോൺ കോൾ അവർക്ക് അറ്റൻഡ് ചെയ്യാൻ കഴിഞ്ഞിരുന്നില്ല. സുഹൃത്ത് വാർത്തയുടെ സ്‌ക്രീൻഷോട്ട് അയച്ചു നൽകിയപ്പോഴാണ് താൻ കോടീശ്വരയായ വിവരം ചൈതന്യ അറിഞ്ഞത്.

ദുബായിൽ അക്കൗണ്ട്‌സ് വിഭാഗത്തിൽ ജോലി ചെയ്യുന്ന രജത് അഞ്ച് സുഹൃത്തുക്കൾക്കൊപ്പമാണ് ടിക്കറ്റെടുത്തത്. ആദ്യം ഇതൊരു തമാശയാണെന്ന് കരുതിയെങ്കിലും ഓൺലൈനിൽ ഫലം പരിശോധിച്ചതോടെ അതിയായ സന്തോഷമായെന്നും നാട്ടിലെ ബാധ്യതകൾ തീർക്കാൻ ഈ തുക ഉപയോഗിക്കുമെന്നും രജത് അറിയിച്ചു.

Eid al adha ഈദുൽ അദ്ഹ; ദുബായിൽ ബലിമൃഗങ്ങളുടെ നിരക്ക് പ്രഖ്യാപിച്ചു

Eid al adha ദുബായ്: ഈദുൽ അദ്ഹയോടനുബന്ധിച്ച് ദുബായിൽ ബലിമൃഗങ്ങളുടെ നിരക്ക് പ്രഖ്യാപിച്ചു. ഈ വർഷത്തെ ബലിപെരുന്നാൾ (ഈദുൽ അദ്ഹ) മെയ് 27 ബുധനാഴ്ച തുടങ്ങാൻ സാധ്യതയുള്ളതായാണ് ജ്യോതിശാസ്ത്ര കണക്കുകൂട്ടലുകൾ. ബലിപെരുന്നാളിന് മുന്നോടിയായി ദുബായിലെ ഇസ്ലാമിക് അഫയേഴ്സ് ആൻഡ് ചാരിറ്റബിൾ ആക്ടിവിറ്റീസ് ഡിപാർട്ട്മെന്റ് ബലിമൃഗങ്ങളുടെ നിരക്കുകൾ അംഗീകരിച്ചു. വിലയിലെ അനാവശ്യമായ വർധനവ് ഒഴിവാക്കാനും സുതാര്യത ഉറപ്പാക്കാനുമാണ് അംഗീകൃത ചാരിറ്റി സംഘടനകളുമായി ചേർന്ന് നിരക്ക് നിശ്ചയിച്ചിരിക്കുന്നത്. ദുൽഹജ് 10-ന് ആഘോഷിക്കുന്ന ബലിപെരുന്നാളിന്റെ പ്രധാന കർമങ്ങളിലൊന്നാണ് ബലി അർപ്പിക്കുക എന്നത്. പെരുന്നാൾ നമസ്‌കാരത്തിന് ശേഷം നടത്തുന്ന ഈ കർമ്മത്തിലൂടെ ലഭിക്കുന്ന മാംസം ദരിദ്രർക്കും അർഹരായവർക്കും വിതരണം ചെയ്യണമെന്നാണ് ഇസ്ലാമിക നിയമം. നാട്ടിലും വിദേശത്തും വിതരണം ചെയ്യുന്ന മൃഗങ്ങൾക്ക് ഇത്തവണ വെവ്വേറെ നിരക്കുകളാണ് നിശ്ചയിച്ചിട്ടുള്ളത്.

യുഎഇയിലെ അംഗീകൃത ചാരിറ്റി സ്ഥാപനങ്ങൾ വഴി ബലി നൽകാൻ ആഗ്രഹിക്കുന്നവർക്കായി നിശ്ചയിച്ച നിരക്കുകൾ അറിയാം:

• ബലി നൽകുന്ന രാജ്യത്ത് തന്നെ വിതരണം ചെയ്യുന്നതിന് 350 ദിർഹമാണ് നിരക്ക്.
• കെനിയൻ ആട്: വിദേശത്ത് ബലി നൽകി യുഎഇക്കുള്ളിൽ വിതരണം ചെയ്യുന്നതിന് 490 ദിർഹമായിരിക്കും നിരക്ക്.
• ഇത്യോപ്യൻ ആട്: വിദേശത്ത് ബലി നൽകി യുഎഇക്കുള്ളിൽ വിതരണം ചെയ്യുന്നതിന് 490 ദിർഹമാണ് നിരക്ക്.
• സോമാലി ആട്: യുഎഇക്കുള്ളിൽ തന്നെ ബലി നൽകി വിതരണം ചെയ്യുന്നതിന് 800 ദിർഹമായിരിക്കും നിരക്ക് ഈടാക്കുക.

സഹായം അർഹരായവരിലേക്ക് കൃത്യമായി എത്തുന്നുണ്ടെന്ന് ഉറപ്പാക്കാനായി ദുബായ് ഗവൺമെന്റിന്റെ കീഴിലുള്ള വിശ്വസനീയമായ ചാരിറ്റി ചാനലുകൾ വഴി മാത്രം ബലി കർമം നിർവ്വഹിക്കണമെന്നാണ് അധികൃതർ നൽകുന്ന നിർദ്ദേശം.

അബുദാബിയിൽ പൊതുസ്ഥലത്ത് വാഹനം കഴുകിയാൽ വന്‍തുക പിഴ; നിയമം കടുപ്പിച്ച് അധികൃതർ

Abu Dhabi washing vehicles in public അബുദാബി നഗരത്തിന്റെ സൗന്ദര്യം നിലനിർത്തുന്നതിനും പരിസ്ഥിതി സംരക്ഷണത്തിനുമായി പൊതുസ്ഥലങ്ങളിൽ വാഹനം കഴുകുന്നവർക്ക് കർശന മുന്നറിയിപ്പുമായി നഗരസഭ. റോഡുകളിലോ മറ്റ് പൊതുയിടങ്ങളിലോ വാഹനം കഴുകുന്നത് ശ്രദ്ധയിൽപ്പെട്ടാൽ 500 ദിർഹം പിഴ ചുമത്തുമെന്ന് അധികൃതർ വ്യക്തമാക്കി. വാഹനങ്ങൾ കഴുകുന്നതിനായി അംഗീകൃത കാർ വാഷിങ് സെന്ററുകളോ ലൈസൻസുള്ള മൊബൈൽ വാഷ് യൂണിറ്റുകളോ മാത്രമേ ഉപയോഗിക്കാൻ പാടുള്ളൂ. പൈപ്പോ ബക്കറ്റോ ഉപയോഗിച്ച് വെള്ളം ചീറ്റിക്കുന്നതും റോഡിലൂടെ വെള്ളം ഒഴുക്കി വിടുന്നതും നഗരത്തിന്റെ ആസ്തികൾ നശിപ്പിക്കുന്നതിനും കാഴ്ചയ്ക്ക് അഭംഗിയുണ്ടാക്കുന്നതിനും കാരണമാകുന്നു. റോഡുകളിലൂടെ വെള്ളം ഒഴുകുന്നത് ഗതാഗത തടസ്സങ്ങൾക്കും ആരോഗ്യ പ്രശ്നങ്ങൾക്കും വഴിവെക്കും. നഗരത്തെ വൃത്തിയായി സൂക്ഷിക്കുന്നത് ഓരോ താമസക്കാരന്റെയും ഉത്തരവാദിത്തമാണെന്ന് നഗരസഭ ഓർമ്മിപ്പിച്ചു. മാന്യമായ പെരുമാറ്റവും പരിസ്ഥിതി സൗഹൃദമായ ശീലങ്ങളും നാഗരിക ബോധത്തിന്റെ ഭാഗമാണെന്നും അധികൃതർ ചൂണ്ടിക്കാട്ടി. നിയമലംഘനങ്ങൾ തടയുന്നതിനും നഗരത്തിന്റെ ശുചിത്വം ഉറപ്പാക്കുന്നതിനും വരും ദിവസങ്ങളിൽ പരിശോധനകൾ ശക്തമാക്കും.

പറക്കുന്ന ഐസിയു; ആദ്യ ദീർഘദൂര എയർ ആംബുലൻസ് വിമാനം പുറത്തിറക്കി മലയാളി കമ്പനി

Flying ICU അബുദാബി ആസ്ഥാനമായി പ്രവർത്തിക്കുന്ന മലയാളി കമ്പനിയായ റെസ്‌പോൺസ് പ്ലസ് ഹോൾഡിങ്, യുഎഇയിലെയും പശ്ചിമേഷ്യയിലെയും ആരോഗ്യരംഗത്ത് വിപ്ലവകരമായ മാറ്റങ്ങൾ ലക്ഷ്യമിട്ട് ആദ്യ ദീർഘദൂര എയർ ആംബുലൻസ് വിമാനം പുറത്തിറക്കി. അത്യാധുനിക മെഡിക്കൽ സൗകര്യങ്ങളുള്ള ‘ചലഞ്ചർ 605’ (Challenger 605) വിമാനമാണ് പ്രവർത്തനസജ്ജമായിരിക്കുന്നത്. ‘മേക്ക് ഇറ്റ് ഇൻ ദി എമിറേറ്റ്സ് 2026’ ഫോറത്തിലാണ് കമ്പനി സിഇഒ ഡോ. രോഹിൽ രാഘവൻ ഇക്കാര്യം അറിയിച്ചത്. ആശുപത്രികളിലെ തീവ്രപരിചരണ വിഭാഗത്തിന് സമാനമായ എല്ലാ മെഡിക്കൽ സജ്ജീകരണങ്ങളും ഈ വിമാനത്തിലുണ്ട്. സങ്കീർണ്ണമായ ആരോഗ്യപ്രശ്നങ്ങളുള്ള രോഗികൾക്ക് യാത്രയിലുടനീളം വിദഗ്ധ പരിചരണം ഉറപ്പാക്കാൻ ഇതിലൂടെ സാധിക്കും. ഇടത്താവളങ്ങളില്ലാതെ ഏകദേശം 4,000 നോട്ടിക്കൽ മൈൽ വരെ ദൂരം ഈ വിമാനം പറക്കും. അമേരിക്ക, യൂറോപ്പ്, ഏഷ്യ എന്നിവിടങ്ങളിലെ പ്രമുഖ ആശുപത്രികളിലേക്ക് അബുദാബിയിൽ നിന്ന് നേരിട്ട് രോഗികളെ എത്തിക്കാം. ദീർഘദൂര പറക്കൽ സാധ്യമായതിനാൽ യാത്രാസമയം ഗണ്യമായി കുറയ്ക്കാം. ഇത് അടിയന്തര ഘട്ടങ്ങളിൽ രോഗികളുടെ ജീവൻ രക്ഷിക്കാനുള്ള സാധ്യത വർദ്ധിപ്പിക്കുന്നു

യുഎഇ സായുധ സേനയുടെ സുവർണ്ണ ജൂബിലി: രാജ്യത്തിന്റെ കരുത്തും ഐക്യവും ആഘോഷിച്ച് ഭരണാധികാരികൾ

UAE 50th unification anniversary അബുദാബി: യുഎഇ സായുധ സേന ഏകീകരണത്തിന്റെ അമ്പതാം വാർഷികത്തിൽ സൈന്യത്തിന് ആദരമർപ്പിച്ച് യുഎഇ ഭരണാധികാരികൾ. രാജ്യത്തിന്റെ സുരക്ഷയുടെയും സ്ഥിരതയുടെയും ഐക്യത്തിന്റെയും നെടുംതൂണായ സായുധ സേനയുടെ ചരിത്രത്തിലെ സുപ്രധാന നാഴികക്കല്ലാണിതെന്ന് നേതാക്കൾ വിശേഷിപ്പിച്ചു. രാജ്യത്തിന്റെ സുരക്ഷയ്ക്കും ജനങ്ങളുടെ സുരക്ഷിതത്വത്തിനുമായി അഹോരാത്രം പ്രയത്നിക്കുന്ന ധീരരായ സൈനികരെ യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ എക്സ് (X) പ്ലാറ്റ്‌ഫോമിലൂടെ അഭിനന്ദിച്ചു. “യുഎഇ സായുധ സേനയുടെ ഏകീകരണത്തിന്റെ 50-ാം വാർഷികം ആഘോഷിക്കുന്ന ഈ വേളയിൽ, നമ്മുടെ രാജ്യത്തിന്റെ സുരക്ഷയും സ്ഥിരതയും കാത്തുസൂക്ഷിക്കുന്ന ധീരരായ പുരുഷന്മാർക്കും സ്ത്രീകൾക്കും ഞാൻ ആഴമായ നന്ദി രേഖപ്പെടുത്തുന്നു. നിങ്ങളുടെ അചഞ്ചലമായ അർപ്പണബോധവും ത്യാഗവും യുഎഇയെ വീടായി കരുതുന്ന ഓരോ വ്യക്തിക്കും അഭിമാനമാണ്. ചരിത്രത്തിലെ ഈ നിർണ്ണായക നിമിഷത്തിന്റെ വാർഷികത്തിൽ ഞാൻ നിങ്ങളെ ഏവരെയും അഭിനന്ദിക്കുന്നു.” യുഎഇ വൈസ് പ്രസിഡന്റും ഉപപ്രധാനമന്ത്രിയും പ്രസിഡൻഷ്യൽ കോർട്ട് ചെയർമാനുമായ ഷെയ്ഖ് മൻസൂർ ബിൻ സായിദ് അൽ നഹ്യാൻ സായുധ സേനയെ രാജ്യത്തിന്റെ ‘കവചവും നട്ടെല്ലും’ എന്ന് വിശേഷിപ്പിച്ചു. “അൻപത് വർഷത്തെ ആദരവും അഭിമാനവും… യുഎഇയുടെ പതാക സംരക്ഷിക്കാനായി സ്വയം സമർപ്പിച്ച ധീരരായ പുരുഷന്മാരുള്ള നമ്മുടെ സായുധ സേന എന്നും രാജ്യത്തിന്റെ കരുത്താണ്. ഈ സുവർണ്ണ ജൂബിലിയിൽ നാം ധീരതയുടെ ചരിത്രം ആഘോഷിക്കുകയും കൂടുതൽ കരുത്തുറ്റ ഭാവിയിലേക്ക് ആത്മവിശ്വാസത്തോടെ മുന്നേറുകയും ചെയ്യുന്നു,” അദ്ദേഹം പറഞ്ഞു.