Kuwait Father Kills Wife Daughter കുവൈത്ത് സിറ്റി: കുവൈത്തിലെ അൽ റാബിയ മേഖലയിൽ ഞായറാഴ്ച പുലർച്ചെ വീട്ടിനുള്ളിൽ പിതാവ് ഭാര്യയെയും മകളെയും വെടിവെച്ചുകൊന്നതായി റിപ്പോർട്ട്. പിതാവ് ഷോട്ട്ഗൺ ഉപയോഗിച്ചാണ് ഭാര്യയെയും മകളെയും വെടിവെച്ചതെന്നാണ് റിപ്പോർട്ടുകൾ. മകൻ പരിക്കേൽക്കാതെ രക്ഷപ്പെട്ടതായി റിപ്പോർട്ടിൽ പറയുന്നു. സംഭവത്തിന് പിന്നാലെ പിതാവ് പൊലീസ് സ്റ്റേഷനിലെത്തി കീഴടങ്ങിയതായും വിവരമുണ്ട്. സംഭവത്തിന്റെ സാഹചര്യങ്ങളും കൊലപാതകത്തിലേക്ക് നയിച്ച കാരണങ്ങളും കണ്ടെത്തുന്നതിനായി അധികൃതർ അന്വേഷണം ആരംഭിച്ചു.
