Television കുവൈത്ത് സിറ്റി: കുവൈത്തിൽ വീടിന് മുന്നിൽ പാർക്ക് ചെയ്തിരുന്ന കാറിൽ നിന്നും ടിവി മോഷണം പോയെന്ന് പരാതി. ഹവല്ലിയിൽ നിർത്തിയിട്ടിരുന്ന കാറിൽ നിന്ന് വിലകൂടിയ ടെലിവിഷൻ മോഷണം പോയതായി ഇന്ത്യൻ ഡെലിവറി ഡ്രൈവർ മൈദാൻ ഹവല്ലി പോലീസ് സ്റ്റേഷനിൽ പരാതി നൽകി. ഒരു പ്രമുഖ ഇലക്ട്രോണിക്‌സ് സ്ഥാപനത്തിലെ ജീവനക്കാരനാണ് പരാതിക്കാരൻ.

ഉപഭോക്താവിന് എത്തിച്ചുനൽകാനായി സൂക്ഷിച്ചിരുന്ന 420 കുവൈത്ത് ദിനാർ വിലവരുന്ന ടെലിവിഷനാണ് നഷ്ടപ്പെട്ടത്. സംഭവത്തിൽ ആർക്കെതിരെയും സംശയം പ്രകടിപ്പിച്ചിട്ടില്ലെന്ന് പോലീസ് അറിയിച്ചു. വാഹനത്തിന്റെ ഗ്ലാസ് തകർത്താണോ അതോ വാതിൽ തുറന്നാണോ മോഷണം നടത്തിയതെന്ന കാര്യത്തിൽ വ്യക്തത വന്നിട്ടില്ല. സംഭവത്തിൽ അന്വേഷണം ആരംഭിച്ചതായും പ്രതിയെ കണ്ടെത്താനുള്ള ശ്രമങ്ങൾ പുരോഗമിക്കുകയാണെന്നും അധികൃതർ കൂട്ടിച്ചേർത്തു.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

കുവൈത്തിൽ വിവാഹ മോചന കേസുകളിൽ വർദ്ധനവ്; കണക്കുകൾ പുറത്ത്

divorce കുവൈത്ത് സിറ്റി: കുവൈത്തിൽ വിവാഹ മോചന കേസുകളിൽ വർദ്ധനവ്. രാജ്യത്തെ വിവാഹിതരുടെ എണ്ണത്തിലും വർദ്ധനവുണ്ടായിട്ടുണ്ട്. പബ്ലിക് അതോറിറ്റി ഫോർ സിവിൽ ഇൻഫർമേഷൻ പുറത്തുവിട്ട ഏറ്റവും പുതിയ സ്ഥിതിവിവരക്കണക്കുകൾ പ്രകാരം 2026 മധ്യത്തോടെ രാജ്യത്തെ വിവാഹിതരായ കുവൈത്തി പൗരന്മാരുടെ എണ്ണം 5,27,223 ആയി ഉയർന്നു. ഇതിൽ 2,74,204 പുരുഷന്മാരും 2,53,016 സ്ത്രീകളുമാണുള്ളത്.

2017 പകുതിയിൽ വിവാഹിതരുടെ എണ്ണം 4,71,136 ആയിരുന്നു. കഴിഞ്ഞ ഒൻപത് വർഷത്തിനിടെ വിവാഹിതരുടെ എണ്ണത്തിൽ 56,000-ത്തിലധികം വർദ്ധനവാണ് രേഖപ്പെടുത്തിയത്. 2025 മധ്യത്തിൽ 83,320 ആയിരുന്ന വിവാഹമോചന കേസുകൾ 2026 മധ്യത്തോടെ 84,975 ആയി ഉയർന്നു. വെറും 12 മാസത്തിനിടെ 1,655 പുതിയ കേസുകൾ രജിസ്റ്റർ ചെയ്തത് സാമൂഹിക-ഭരണ സ്ഥാപനങ്ങളെ ഇതിന്റെ കാരണങ്ങളെക്കുറിച്ച് കൂടുതൽ പഠിക്കാൻ പ്രേരിപ്പിച്ചിരിക്കുകയാണ്.

അതേസമയം, രാജ്യത്തെ ആകെ വിധവകളുടെയും ഭാര്യമാർ മരിച്ച പുരുഷന്മാരുടെയും എണ്ണം 32,880 ആണ്. സ്ത്രീ (വിധവകൾ): 27,917 (85%) പുരുഷന്മാർ: 4,963. 2017-ലെ കണക്കുകളുമായി (31,024) താരതമ്യം ചെയ്യുമ്പോൾ ഇതിൽ 6 ശതമാനത്തിന്റെ (1,856 കേസുകൾ) വർദ്ധനവുണ്ടായെന്നും കണക്കുകൾ വ്യക്തമാക്കുന്നു.