UAE flexible work timings govt employees അബുദാബി: യുഎഇയിൽ വേനലവധിക്ക് ശേഷം ഓഗസ്റ്റ് 31 തിങ്കളാഴ്ച സ്കൂളുകൾ തുറക്കുന്ന സാഹചര്യത്തിൽ, മാതാപിതാക്കളായ ഫെഡറൽ സർക്കാർ ജീവനക്കാർക്ക് ജോലി സമയത്തിൽ ഇളവ് പ്രഖ്യാപിച്ചു. ഫെഡറൽ അതോറിറ്റി ഫോർ ഗവൺമെന്റ് ഹ്യൂമൻ റിസോഴ്‌സസ് ആണ് ‘ഫ്ലെക്സിബിൾ വർക്ക് പോളിസി’ പ്രകാരമുള്ള ഇളവുകൾ വ്യക്തമാക്കിയത്. മൂന്ന് മണിക്കൂർ ഇളവ്: ജോലിയിൽ പ്രവേശിക്കുന്ന സമയത്തോ മടങ്ങുന്ന സമയത്തോ മൂന്ന് മണിക്കൂർ വരെ ഇളവ് അനുവദിക്കും. സ്കൂൾ വിദ്യാർത്ഥികളുടെ മാതാപിതാക്കൾക്ക്: പ്രൈമറി തലം മുതൽ മുകളിലേക്ക് പഠിക്കുന്ന കുട്ടികളുടെ മാതാപിതാക്കൾക്ക് സ്കൂൾ തുറക്കുന്ന ആദ്യ ദിവസം ഈ ഇളവ് പ്രയോജനപ്പെടുത്താം. വിവിധ സിലബസുകൾക്കനുസരിച്ച് സ്കൂൾ തുറക്കുന്ന തീയതികളിലെ മാറ്റവും പരിഗണിക്കും. നഴ്‌സറിയിലോ കെജിയിലോ പഠിക്കുന്ന കുട്ടികളാണെങ്കിൽ, ആദ്യത്തെ ഒരാഴ്ച മുഴുവൻ മാതാപിതാക്കൾക്ക് ജോലി സമയത്തിൽ ക്രമീകരണം വരുത്താൻ അനുവാദമുണ്ട്. സ്കൂളിലെ പി.ടി.എ മീറ്റിംഗുകൾ, ബിരുദദാന ചടങ്ങുകൾ, കുട്ടികളുടെ മറ്റ് പ്രധാന പ്രവർത്തനങ്ങൾ എന്നിവയുള്ള ദിവസങ്ങളിലും ജീവനക്കാർക്ക് ഫ്ലെക്സിബിൾ വർക്ക് സമയത്തിനായി അപേക്ഷിക്കാം. 2024 മുതൽ യുഎഇ നടപ്പിലാക്കി വരുന്ന ഈ നയം, ജീവനക്കാർക്ക് ജോലിസ്ഥലത്ത് ആവശ്യമായ സൗകര്യം നൽകുന്നതിനൊപ്പം അവരുടെ കുടുംബപരമായ ഉത്തരവാദിത്തങ്ങൾ നിറവേറ്റാൻ സഹായിക്കുന്നതിനും വേണ്ടിയുള്ളതാണ്. എന്നാൽ, ഈ ഇളവുകൾ സർക്കാർ സേവനങ്ങളെയും ജോലിയുടെ സുഗമമായ ഒഴുക്കിനെയും ബാധിക്കാത്ത രീതിയിലായിരിക്കണം നടപ്പിലാക്കേണ്ടതെന്നും അതോറിറ്റി നിർദ്ദേശിച്ചിട്ടുണ്ട്.

യുഎഇയിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

സൂപ്പർ കാറും കോടികളുടെ വില്ലകളും, അബുദാബിയിലെ ‘ക്ലീൻ ബ്രേക്ക്’ വിവാഹമോചന കരാർ ചർച്ചയാകുന്നു

Dh100-million divorce settlement അബുദാബി: വിവാഹമോചനത്തിന് ശേഷമുള്ള സാമ്പത്തിക തർക്കങ്ങൾക്ക് ആഗോളതലത്തിൽ തന്നെ അറുതിവരുത്തുന്ന ചരിത്രപരമായ ഒരു വിധി പുറപ്പെടുവിച്ചിരിക്കുകയാണ് അബുദാബി സിവിൽ ഫാമിലി കോടതി. ഏകദേശം 100 മില്യൺ ദിർഹത്തോളം (ഏകദേശം 225 കോടി രൂപ) മൂല്യം വരുന്ന വിവാഹമോചന കരാറിനാണ് കോടതി നിയമസാധുത നൽകിയത്. ലോകത്തെവിടെയും ഇനി പരസ്പരം സാമ്പത്തിക അവകാശവാദങ്ങൾ ഉന്നയിക്കാൻ കഴിയില്ലെന്ന് ഉറപ്പാക്കുന്ന ‘ക്ലീൻ ബ്രേക്ക്’ ഉത്തരവാണിതെന്ന് നിയമവിദഗ്ധർ ചൂണ്ടിക്കാട്ടുന്നു. പത്ത് വർഷത്തിലേറെ നീണ്ട ദാമ്പത്യത്തിന് ശേഷമാണ് ദമ്പതികൾ വേർപിരിഞ്ഞത്. കരാർ പ്രകാരം ഭാര്യയ്ക്ക് ലഭിക്കുന്ന ആസ്തികൾ ഇവയാണ്: മൂന്ന് വ്യത്യസ്ത രാജ്യങ്ങളിലായുള്ള ആഡംബര വില്ലകൾ, ഒരു സൂപ്പർ കാർ, കോടികൾ വിലമതിക്കുന്ന വജ്രാഭരണങ്ങളുടെയും വാച്ചുകളുടെയും ശേഖരം, 40 മില്യൺ ദിർഹത്തിലധികം (ഏകദേശം 90 കോടി രൂപ) പണമായി ലഭിക്കും. ഈ തുക കൃത്യമായ ഗഡുക്കളായി ചെക്ക് വഴിയോ ബാങ്ക് ട്രാൻസ്ഫർ വഴിയോ നൽകണം. ദമ്പതികൾ തമ്മിൽ ഒപ്പിട്ട ഒരു സ്വകാര്യ കരാർ എന്നതിലുപരി, കോടതി ഇതിനെ ഒരു ‘എക്സിക്യൂട്ടീവ് ഡീഡ്’ ആയി അംഗീകരിച്ചു. ഇതിനർത്ഥം, കരാറിലെ ഏതെങ്കിലും ഒരു ഗഡു നൽകുന്നതിൽ ഭർത്താവ് വീഴ്ച വരുത്തിയാൽ, ഭാര്യയ്ക്ക് വീണ്ടും പുതിയ കേസ് ഫയൽ ചെയ്യേണ്ടി വരില്ല, ഈ കോടതി ഉത്തരവ് ഉപയോഗിച്ച് നേരിട്ട് നടപടി സ്വീകരിക്കാം. കൂടാതെ, ലോകത്തെ മറ്റൊരു കോടതിയിലും (ഏത് രാജ്യം ആയാലും) ഇനി പണത്തിനായി ഇവർക്ക് പരസ്പരം കേസ് നൽകാൻ കഴിയില്ല. മരണശേഷം പങ്കാളിയുടെ സ്വത്തിൽ അവകാശവാദം ഉന്നയിക്കുന്നതിൽ നിന്ന് വരാനിരിക്കുന്ന അവകാശികളെയും ഈ വിധി തടയുന്നു. രണ്ടുപേരും തങ്ങളുടെ ആഗോള ആസ്തികളെക്കുറിച്ച് കോടതിയിൽ കൃത്യമായ വെളിപ്പെടുത്തലുകൾ നടത്തിയിരുന്നു. ഇംഗ്ലീഷിൽ നടന്ന കോടതി നടപടികളിൽ ദമ്പതികൾ നേരിട്ട് ഹാജരാകുകയും നിബന്ധനകൾ പൂർണ്ണമായി മനസ്സിലാക്കി സമ്മതം അറിയിക്കുകയും ചെയ്തു. ദമ്പതികളുടെ പേരോ മറ്റ് വിവരങ്ങളോ പുറത്തുവിട്ടിട്ടില്ല.