Malayali Dies in Oman മസ്കത്ത്: മലയാളിയെ ഒമാനില് മരിച്ച നിലയില് കണ്ടെത്തി. തിരുവനന്തപുരം കല്ലറ തുമ്പോട് കണ്ണന് നിവാസില് അരവിന്ദ് അശോക് ആണ് ദുകമിലെ താമസ സ്ഥലത്ത് വച്ച് മരിച്ച നിലയില് കണ്ടെത്തിയത്. യുഎഇയില് ജോലി ചെയ്യുന്ന അരവിന്ദ് കമ്പനി ആവശ്യാര്ഥമാണ് അടുത്തിടെ ദുകമില് എത്തിയത്. പിതാവ്: അശോക് കുമാര്. മാതാവ്: പരേതയായ ഷീന. ഐസിഎഫ് ഒമാന് വെല്ഫയര് സമിതിക്ക് കീഴില് തുടര് നടപടികള് പൂര്ത്തിയാക്കി ചൊവ്വാഴ്ച രാത്രി തിരുവനന്തപുരത്തേക്കുള്ള ഒമാന് എയര് വിമാനത്തില് മൃതദേഹം നാട്ടിലേക്ക് കൊണ്ടുപോയി. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HIrOCRpUyou1wPoFJArQYT
യുഎഇയിലെ പുതിയ ജോലി അവസരങ്ങൾ ഇതാ
സൗദി അറേബ്യയിൽ 4.3 തീവ്രത രേഖപ്പെടുത്തിയ ഭൂകമ്പം; യുഎഇയിൽ അനുഭവപ്പെട്ടോ?
Earthquake Saudi Arabia റിയാദ്: സൗദി അറേബ്യയുടെ കിഴക്കൻ പ്രവിശ്യയിൽ ബുധനാഴ്ച പുലർച്ചെ 4.3 തീവ്രത രേഖപ്പെടുത്തിയ ഭൂകമ്പം അനുഭവപ്പെട്ടതായി ദേശീയ കാലാവസ്ഥാ കേന്ദ്രം (NCM) റിപ്പോർട്ട് ചെയ്തു. പ്രാദേശിക സമയം പുലർച്ചെ 2.11 ന് ആയിരുന്നു ഭൂചലനം. 4.3 മാഗ്നിറ്റ്യൂഡ് തീവ്രതയില് 50 കിലോമീറ്റർ താഴ്ചയിലാണ് ഭൂചലനം ഉണ്ടായത്. എൻസിഎമ്മിൻ്റെ ദേശീയ സീസ്മിക് നെറ്റ്വർക്ക് വ്യക്തമാക്കിയത് അനുസരിച്ച്, ഈ ഭൂകമ്പം യുഎഇയിൽ യാതൊരു സ്വാധീനവും ചെലുത്തിയില്ല, കൂടാതെ എമിറേറ്റുകളിലെ താമസക്കാർക്ക് ഇത് അനുഭവപ്പെട്ടില്ല. ഈ വർഷം ഏപ്രിലിലാണ് ഇതിന് മുൻപ് ഗൾഫ് രാജ്യങ്ങൾക്ക് സമീപം ഭൂചലനം ഉണ്ടായത്. അന്ന് അറേബ്യൻ കടലിൽ, സൗദിയുടെ അതിർത്തിക്ക് സമീപം 4.3 തീവ്രത രേഖപ്പെടുത്തിയ ഭൂകമ്പം യു.എ.ഇയിലും സൗദിയിലും അനുഭവപ്പെട്ടിരുന്നു. അറേബ്യൻ ഫലകത്തിൻ്റെ ചലനവും അത് യുറേഷ്യൻ ഫലകവുമായി കൂട്ടിയിടിച്ചതും മൂലം അറേബ്യൻ ഗൾഫ് മേഖലയിലെ പഴയ ഫോള്ട്ടുകളിലുണ്ടായ സമ്മർദ്ദമാണ് ആ ഭൂകമ്പത്തിന് കാരണമായത്. ഇറാൻ, ഇറാഖ്, ഒമാൻ തുടങ്ങിയ അയൽ രാജ്യങ്ങളിൽ ഇടയ്ക്കിടെ ഭൂചലനം അനുഭവപ്പെടാറുണ്ട്. ഇതിൻ്റെ തുടർചലനങ്ങൾ ചിലപ്പോൾ യുഎഇയിലും അനുഭവപ്പെടാറുണ്ട്. നവംബർ 4 ന് മുസന്ദമിൻ്റെ തെക്ക് ഭാഗത്ത് 4.6 തീവ്രത രേഖപ്പെടുത്തിയ ഭൂചലനം ഉണ്ടായി. ഇതിൻ്റെ തുടർചലനങ്ങൾ യു.എ.ഇയിൽ അനുഭവപ്പെട്ടിരുന്നു. ഡിസംബർ 1 പുലർച്ചെ ബഹ്റൈനിൽ 3.3 തീവ്രത രേഖപ്പെടുത്തിയ ഭൂകമ്പം ഉണ്ടായി, എന്നാൽ യുഎഇയിൽ സ്വാധീനം ഉണ്ടായില്ല. നവംബർ 22 ന് ഇറാഖിൽ 5.0 തീവ്രത രേഖപ്പെടുത്തിയ ഭൂകമ്പം 30 കിലോമീറ്റർ ആഴത്തിൽ ഉണ്ടായിരുന്നു. ഇത് എമിറേറ്റുകളെ ബാധിച്ചില്ല.
