residency violators arrest kuwait കുവൈത്ത് സിറ്റി: താമസ നിയമലംഘകരെയും ഒളിവിൽ കഴിയുന്നവരെയും മറ്റ് കേസുകളിൽ പിടികിട്ടാനുള്ളവരെയും ലക്ഷ്യമിട്ട് ഖൈത്താനിൽ നടത്തിയ വ്യാപക സുരക്ഷാ പരിശോധനയിൽ 47 പേരെ കുവൈത്ത് ആഭ്യന്തര മന്ത്രാലയം അറസ്റ്റ് ചെയ്തു. ഫർവാനിയ സെക്യൂരിറ്റി ഡയറക്ടറേറ്റിന്റെ നേതൃത്വത്തിലായിരുന്നു നടപടി. ചൊവ്വാഴ്ച രാത്രി വൈകി ആരംഭിച്ച പരിശോധന ബുധനാഴ്ച പുലർച്ചെ വരെ തുടർന്നു. താമസ നിയമലംഘകരെയും പിടികിട്ടാനുള്ളവരെയും കണ്ടെത്തുന്നതിനായി രാജ്യത്തിന്റെ വിവിധ ഭാഗങ്ങളിൽ സുരക്ഷാ പരിശോധനകൾ തുടരുമെന്ന് ആഭ്യന്തര മന്ത്രാലയം അറിയിച്ചു. നിയമം കർശനമായി നടപ്പാക്കുന്നതിനും രാജ്യത്തെ സുരക്ഷയും സ്ഥിരതയും ശക്തിപ്പെടുത്തുന്നതിനുമാണ് ഇത്തരം നടപടികളെന്ന് മന്ത്രാലയം വ്യക്തമാക്കി.
കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക
കുവൈത്തിലെ ആശുപത്രിയില് ആരോഗ്യപ്രവര്ത്തകനെ ആക്രമിച്ചു? പ്രചരിക്കുന്ന വീഡിയോയുടെ സത്യാവസ്ഥയെന്ത്?
Assault Video Farwaniya Hospital കുവൈത്ത് സിറ്റി: കുവൈത്തിലെ ഫർവാനിയ ആശുപത്രിയിൽ ആരോഗ്യപ്രവർത്തകനെ ആക്രമിക്കുന്നതിന്റെ ദൃശ്യങ്ങളെന്ന പേരിൽ സോഷ്യൽ മീഡിയയിൽ പ്രചരിക്കുന്ന വീഡിയോ സംബന്ധിച്ച അവകാശവാദങ്ങൾ കുവൈത്ത് ആരോഗ്യ മന്ത്രാലയം നിഷേധിച്ചു. വീഡിയോ സംബന്ധിച്ച് മന്ത്രാലയം അന്വേഷണം നടത്തിവരികയാണെന്നും ദൃശ്യങ്ങൾ ഫർവാനിയ ആശുപത്രിയിലോ കുവൈത്ത് ആരോഗ്യ മന്ത്രാലയത്തിന് കീഴിലുള്ള മറ്റേതെങ്കിലും ആശുപത്രി, മെഡിക്കൽ സെന്റർ, ആരോഗ്യ സ്ഥാപനങ്ങളിലോ ചിത്രീകരിച്ചതല്ലെന്നും മന്ത്രാലയം വ്യക്തമാക്കി. ആരോഗ്യപ്രവർത്തകരുടെ സുരക്ഷ സംബന്ധിച്ച് ആശങ്ക പ്രകടിപ്പിച്ച പൊതുജനങ്ങൾക്ക് നന്ദി അറിയിച്ച മന്ത്രാലയം, സോഷ്യൽ മീഡിയയിലെ ഉള്ളടക്കങ്ങൾ പങ്കുവയ്ക്കുന്നതിനോ അവ തങ്ങളുടെ സ്ഥാപനങ്ങളുമായി ബന്ധപ്പെടുത്തി പ്രചരിപ്പിക്കുന്നതിനോ മുമ്പ് വിവരങ്ങളുടെ ആധികാരികത പരിശോധിക്കണമെന്ന് അഭ്യർഥിച്ചു. കുവൈത്തിലെ ആരോഗ്യ സ്ഥാപനങ്ങളുമായി ബന്ധപ്പെട്ട സംഭവങ്ങളെക്കുറിച്ച് തെറ്റായ വിവരങ്ങൾ പ്രചരിക്കുന്നത് ഒഴിവാക്കാൻ ആരോഗ്യ മന്ത്രാലയത്തിന്റെ ഔദ്യോഗിക ഉറവിടങ്ങളിൽ നിന്നുള്ള വിവരങ്ങൾ മാത്രം പിന്തുടരണമെന്നും മന്ത്രാലയം വ്യക്തമാക്കി.
