Parking കുവൈത്ത് സിറ്റി: കുവൈത്തിൽ അൽ-ജഹ്റ ഗവർണറേറ്റിലെ ഷോപ്പിംഗ് മാൾ പാർക്കിംഗിൽ വാഹനം നിർത്തുന്നതിനെച്ചൊല്ലിയുണ്ടായ തർക്കത്തിനിടെ സ്വദേശി യുവാവിനെ കുത്തിപ്പരിക്കേൽപ്പിച്ച 30 കാരൻ അറസ്റ്റിൽ. ബിദൂൻ പൗരനെയാണ് പോലീസ് കസ്റ്റഡിയിലെടുത്തത്. പ്രതിക്കെതിരെ വധശ്രമത്തിന് കേസെടുത്തിട്ടുണ്ട്. പാർക്കിംഗ് ഏരിയയിൽ സംഘർഷം നടക്കുന്നതായി ആഭ്യന്തര മന്ത്രാലയത്തിന്റെ കൺട്രോൾ റൂമിൽ വിവരം ലഭിച്ചതിനെ തുടർന്ന് സുരക്ഷാ ഉദ്യോഗസ്ഥർ സംഭവസ്ഥലത്തെത്തുകയായിരുന്നു.
കൈക്ക് കുത്തേറ്റ നിലയിൽ കണ്ടെത്തിയ കുവൈത്ത് സ്വദേശിയായ യുവാവിനെ ഉടൻ തന്നെ അൽ-ജഹ്റ ആശുപത്രിയിൽ പ്രവേശിപ്പിച്ചു. പ്രാഥമിക ചികിത്സയ്ക്ക് ശേഷം അദ്ദേഹത്തിന്റെ ആരോഗ്യനില തൃപ്തികരമാണെന്ന് ആശുപത്രി അധികൃതർ അറിയിച്ചു.
വാഹനം നിർത്തിയിടുന്നതുമായി ബന്ധപ്പെട്ട തർക്കമാണ് അക്രമത്തിൽ കലാശിച്ചതെന്ന് പ്രതി പോലീസിനോട് സമ്മതിച്ചു. വാഹനം പാർക്ക് ചെയ്യാൻ ആർക്കാണ് മുൻഗണന എന്നതിനെച്ചൊല്ലിയായിരുന്നു തർക്കം നടന്നത്.
കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക
കുവൈത്തിൽ വീടിന് മുന്നിൽ പാർക്ക് ചെയ്തിരുന്ന കാറിൽ നിന്നും ടിവി മോഷണം പോയി; പരാതിയുമായി പ്രവാസി ഡെലിവറി ഡ്രൈവർ
Television കുവൈത്ത് സിറ്റി: കുവൈത്തിൽ വീടിന് മുന്നിൽ പാർക്ക് ചെയ്തിരുന്ന കാറിൽ നിന്നും ടിവി മോഷണം പോയെന്ന് പരാതി. ഹവല്ലിയിൽ നിർത്തിയിട്ടിരുന്ന കാറിൽ നിന്ന് വിലകൂടിയ ടെലിവിഷൻ മോഷണം പോയതായി ഇന്ത്യൻ ഡെലിവറി ഡ്രൈവർ മൈദാൻ ഹവല്ലി പോലീസ് സ്റ്റേഷനിൽ പരാതി നൽകി. ഒരു പ്രമുഖ ഇലക്ട്രോണിക്സ് സ്ഥാപനത്തിലെ ജീവനക്കാരനാണ് പരാതിക്കാരൻ.
ഉപഭോക്താവിന് എത്തിച്ചുനൽകാനായി സൂക്ഷിച്ചിരുന്ന 420 കുവൈത്ത് ദിനാർ വിലവരുന്ന ടെലിവിഷനാണ് നഷ്ടപ്പെട്ടത്. സംഭവത്തിൽ ആർക്കെതിരെയും സംശയം പ്രകടിപ്പിച്ചിട്ടില്ലെന്ന് പോലീസ് അറിയിച്ചു. വാഹനത്തിന്റെ ഗ്ലാസ് തകർത്താണോ അതോ വാതിൽ തുറന്നാണോ മോഷണം നടത്തിയതെന്ന കാര്യത്തിൽ വ്യക്തത വന്നിട്ടില്ല. സംഭവത്തിൽ അന്വേഷണം ആരംഭിച്ചതായും പ്രതിയെ കണ്ടെത്താനുള്ള ശ്രമങ്ങൾ പുരോഗമിക്കുകയാണെന്നും അധികൃതർ കൂട്ടിച്ചേർത്തു.
