Critically Injured കുവൈത്ത് സിറ്റി: കുവൈത്തിൽ വയറിംഗ് ജോലിക്കിടെ കുഴിയിൽ വീണ പ്രവാസി തൊഴിലാളിയ്ക്ക് ഗുരുതര പരിക്ക്. ജോലിസ്ഥലത്ത് ഇലക്ട്രിക് വയറിംഗ് അറ്റകുറ്റപ്പണികൾ നടത്തുന്നതിനിടെ ഏകദേശം മൂന്ന് മീറ്റർ താഴ്ച്ചയുള്ള കുഴിയിൽ വീണ ഈജിപ്ഷ്യൻ തൊഴിലാളിയ്ക്കാണ് പരിക്കേറ്റത്. കുഴിയിൽ വീണ ഇദ്ദേഹം അവശിഷ്ടങ്ങൾക്കിടയിൽ കുടുങ്ങിയിരുന്നു.

മെഡിക്കൽ റിപ്പോർട്ട് അനുസരിച്ച് തൊഴിലാളിയെ ആശുപത്രിയിലെത്തിക്കുമ്പോൾ ഇദ്ദേഹത്തിന് ഹൃദയമിടിപ്പും ശ്വാസോച്ഛ്വാസവുമില്ലായിരുന്നു. മെഡിക്കൽ ടീം ഉടൻ തന്നെ ഇദ്ദേഹത്തിന് സിപിആർ നൽകി. പിന്നീട് തുടർ ചികിത്സയ്ക്കായി ഇദ്ദേഹത്തെ തീവ്രപരിചരണ വിഭാഗത്തിൽ പ്രവേശിപ്പിച്ചു.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

ആരോഗ്യ മേഖലയിൽ ഈ വിഭാഗം ജീവനക്കാർക്ക് പുതിയ യൂണിഫോം നിറങ്ങൾ; പുതിയ നിർദ്ദേശവുമായി കുവൈത്ത് ആരോഗ്യ മന്ത്രാലയം

New Colours കുവൈത്ത് സിറ്റി: കുവൈത്തിലെ ഫാർമസിസ്റ്റുകൾക്കും ഫാർമസി ടെക്‌നീഷ്യൻമാർക്കും പുതിയ യൂണിഫോം നിറങ്ങൾ. ആരോഗ്യ മന്ത്രാലയമാണ് പുതിയ നിർദ്ദേശങ്ങൾ പുറപ്പെടുവിച്ചത്. വിവിധ ആരോഗ്യവിഭാഗങ്ങളിലെ ജീവനക്കാരെ എളുപ്പത്തിൽ തിരിച്ചറിയുന്നതിനും ജോലിസ്ഥലങ്ങളിൽ ഏകീകൃതമായ പ്രൊഫഷണൽ മാനദണ്ഡം ഉറപ്പാക്കുന്നതിനുമാണ് പുതിയ തീരുമാനം.

ആരോഗ്യ സ്ഥാപനങ്ങളിൽ ജോലി ചെയ്യുന്ന ഫാർമസിസ്റ്റുകൾക്കും ടെക്‌നീഷ്യൻമാർക്കും ഇനി നിശ്ചിത നിറത്തിലുള്ള യൂണിഫോം ധരിക്കേണ്ടിവരും. ജീവനക്കാരുടെ തൊഴിൽവിഭാഗം രോഗികൾക്കും പൊതുജനങ്ങൾക്കും എളുപ്പത്തിൽ തിരിച്ചറിയാൻ സഹായിക്കുന്ന രീതിയിലാണ് യൂണിഫോം നിറങ്ങൾ ക്രമീകരിച്ചിരിക്കുന്നത്.

പുതിയ നിർദേശപ്രകാരം, ഫാർമസിസ്റ്റുകൾക്കും ഫാർമസി ടെക്‌നീഷ്യൻമാർക്കും വ്യത്യസ്ത നിറങ്ങളിലുള്ള യൂണിഫോമുകളാണ് അനുവദിച്ചിരിക്കുന്നത്. ആരോഗ്യ മന്ത്രാലയത്തിന്റെ കീഴിലുള്ള വിവിധ ആശുപത്രികളിലും ആരോഗ്യകേന്ദ്രങ്ങളിലും പുതിയ യൂണിഫോം സംവിധാനം ഘട്ടംഘട്ടമായി നടപ്പാക്കും.

നഴ്‌സിംഗ്, മിഡ്‌വൈഫറി സ്റ്റാഫിന് റോയൽ നീല അല്ലെങ്കിൽ വെള്ള, ഫാർമസി പ്രാക്ടീഷണർമാർക്ക് ചാരനിറം, അനുബന്ധ ആരോഗ്യ പ്രൊഫഷനുകളിലെ ടെക്‌നീഷ്യന്മാർക്ക് ഒലീവ് പച്ച, മെഡിക്കൽ പ്രൊഫഷുകൾക്ക് ( ഡോക്ടർമാരും ദന്ത ഡോക്ടർമാരും) കടുംനീല എന്നിങ്ങനെയാണ് നിറങ്ങൾ.