Defense Soldier കുവൈത്ത് സിറ്റി: പ്രതിരോധ മന്ത്രാലയത്തിലെ സൈനികനെ ആക്രമിച്ച കേസിൽ കുവൈത്തിൽ ഒരാൾ അറസ്റ്റിൽ. സ്വദേശി പൗരനാണ് അറസ്റ്റിലായത്. ഔദ്യോഗിക കൃത്യനിർവഹണത്തിലേർപ്പെട്ടിരുന്ന സൈനികനെയാണ് ഇയാൾ ആക്രമിച്ചത്. സൈനികൻ നൽകിയ പരാതി അനുസരിച്ച് ഔദ്യോഗിക സൈനിക വാഹനത്തിൽ ജഹ്റ ഭാഗത്തേക്ക് പോകുമ്പോൾ സുലൈബിയ വെയർഹൗസുകൾക്ക് സമീപം സെവന്ത് റിംഗ് റോഡിൽ വെച്ചായിരുന്നു സംഭവം നടന്നത്. പെട്ടെന്ന് മുന്നിൽ വന്ന് നിർത്തിയ എസ്.യു.വി വാഹനത്തിൽ നിന്ന് ഇറങ്ങിവന്ന ഡ്രൈവർ സൈനികനെ ക്രൂരമായി ആക്രമിക്കുകയായിരുന്നുവെന്നാണ് പരാതിയിൽ പറയുന്നത്.
ആക്രമണത്തിൽ പരിക്കേറ്റ സൈനികന്റെ മെഡിക്കൽ റിപ്പോർട്ട് കേസ് ഫയലിൽ ഉൾപ്പെടുത്തിയിട്ടുണ്ട്. സംഭവത്തിന് ശേഷം ഫോൺ വഴി ബന്ധപ്പെട്ട് പ്രതിയോട് പോലീസ് സ്റ്റേഷനിൽ ഹാജരാകാൻ ഉദ്യോഗസ്ഥർ ആവശ്യപ്പെടുകയായിരുന്നു. തുടർന്ന് നടത്തിയ പ്രാഥമിക ചോദ്യം ചെയ്യലിന് ശേഷം കൂടുതൽ നിയമനടപടികൾക്കായി ഇയാളെ തടങ്കലിൽ വയ്ക്കാൻ അന്വേഷണ ഉദ്യോഗസ്ഥൻ ഉത്തരവിടുകയായിരുന്നു. സംഭവത്തിൽ വിശദമായ അന്വേഷണം നടത്താൻ വേണ്ടി കേസ് ബന്ധപ്പെട്ട വകുപ്പുകൾക്ക് കൈമാറി.
കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക
അഭിമാന നേട്ടം; ആഗോള സമൃദ്ധി സൂചികയിൽ അറബ്-ഗൾഫ് രാജ്യങ്ങളിൽ ഒന്നാം സ്ഥാനത്തെത്തി ഈ രാജ്യം
Global Prosperity Index കുവൈത്ത് സിറ്റി: ആഗോള സമൃദ്ധി സൂചികയിൽ കുവൈത്തിന് അഭിമാന നേട്ടം. ലെഗാറ്റം ഇൻസ്റ്റിറ്റ്യൂട്ട് പുറത്തുവിട്ട 2026-ലെ ആഗോള സമൃദ്ധി സൂചികയിൽ അറബ്-ഗൾഫ് രാജ്യങ്ങളിൽ കുവൈത്ത് ഒന്നാം സ്ഥാനത്തെത്തി. ലോകത്തിലെ 161 രാജ്യങ്ങളാണ് പട്ടികയിൽ ഉൾപ്പെട്ടിരിക്കുന്നത്. ഈ പട്ടികയിൽ ആഗോളതലത്തിൽ കുവൈത്ത് 50-ാം സ്ഥാനത്താണ്. പുതിയ സൂചിക തയ്യാറാക്കിയിരിക്കുന്നത് കേവലം ജി.ഡി.പി അല്ലെങ്കിൽ സാമ്പത്തിക വളർച്ച മാത്രം മാനദണ്ഡമാക്കാതെ വികസനം, വ്യക്തിസ്വാതന്ത്ര്യം, സാമൂഹിക അന്തരീക്ഷം എന്നിവയെ ഏകോപിപ്പിച്ചാണ്. 2023-ന് ശേഷം പുതിയ രീതിശാസ്ത്രം (Methodology) ഉപയോഗിച്ച് പുനഃക്രമീകരിച്ച് പുറത്തിറക്കിയ ആദ്യ പതിപ്പാണിത്. ‘P-averaging’ എന്ന പുതിയ ഗണിതശാസ്ത്ര രീതി ഉപയോഗിച്ചതിനാൽ, ഒരു മേഖലയിലെ കടുത്ത വീഴ്ച മറച്ചുവെക്കാൻ മറ്റൊരു മേഖലയിലെ ഉയർന്ന പ്രകടനം കൊണ്ട് സാധിക്കില്ല.
വിവിധ മേഖലകളിൽ കുവൈത്തിന്റെ ആഗോള റാങ്കിംഗ്:
ജീവിതനിലവാരം: 22
ആരോഗ്യം: 37
സാമ്പത്തിക സ്വാതന്ത്ര്യം : 21
വികസനം : 42
വ്യക്തിസ്വാതന്ത്ര്യം: 59
സിവിൽ സമാധാനം : 62
സാമൂഹിക ഭദ്രത : 70
വിദ്യാഭ്യാസം : 105
