Kuwait Construction Sites Vioaltions കുവൈത്ത് സിറ്റി: നിർമ്മാണ-നവീകരണ പ്രവർത്തനങ്ങളിൽ സുരക്ഷാ മാനദണ്ഡങ്ങൾ പാലിക്കുന്നുണ്ടെന്ന് ഉറപ്പാക്കുന്നതിനായി കുവൈത്ത് മുനിസിപ്പാലിറ്റി ആരംഭിച്ച പരിശോധനയുടെ ഭാഗമായി ഫർവാനിയ ഗവർണറേറ്റിൽ ഏഴ് സുരക്ഷാ മുന്നറിയിപ്പുകൾ നൽകി. നിയമലംഘനങ്ങൾ തടയുന്നതിനും പൊതു സുരക്ഷ ഉറപ്പാക്കുന്നതിനുമായി ആസൂത്രണം ചെയ്ത പ്രചാരണ പരിപാടിയുടെ ഭാഗമായാണ് ഈ നടപടി. മുനിസിപ്പാലിറ്റിയിലെ സേഫ്റ്റി ഡിപ്പാർട്ട്‌മെൻ്റിൽ നിന്നുള്ള സൂപ്പർവൈസറി ടീമുകൾ ഫർവാനിയയിലെ 13 നിർമ്മാണ സ്ഥലങ്ങളിൽ നേരിട്ടെത്തി പരിശോധന നടത്തി. അംഗീകൃത സുരക്ഷാ മാനദണ്ഡങ്ങൾ പാലിക്കുന്നുണ്ടോ എന്ന് സംഘം നിരീക്ഷിച്ചു. പരിശോധനയ്ക്കിടയിൽ മാനദണ്ഡങ്ങളിൽ വീഴ്ച വരുത്തിയതായി കണ്ടെത്തിയ ഇടങ്ങളിലാണ് മുന്നറിയിപ്പ് നോട്ടീസുകൾ നൽകിയത്. രാജ്യത്തെ ആറ് ഗവർണറേറ്റുകളിലും ഇത്തരം പരിശോധനകൾ നടന്നുവരികയാണെന്ന് മുനിസിപ്പാലിറ്റിയുടെ പബ്ലിക് റിലേഷൻസ് ഡിപ്പാർട്ട്‌മെൻ്റ് അറിയിച്ചു. നിർമ്മാണ പ്രവർത്തനങ്ങൾ സുരക്ഷാ നിയമങ്ങൾ കർശനമായി പാലിക്കുന്നുണ്ടെന്നും പൊതുമുതൽ സംരക്ഷിക്കപ്പെടുന്നുണ്ടെന്നും ഉറപ്പാക്കാൻ അധികൃതർ പ്രതിജ്ഞാബദ്ധരാണ്. നിയമലംഘകർക്കെതിരെ ആവശ്യമായ നിയമനടപടികൾ സ്വീകരിക്കുമെന്ന് ഉദ്യോഗസ്ഥർ സ്ഥിരീകരിച്ചു. തൊഴിലിടങ്ങളിലെ സുരക്ഷാ നിലവാരം ഉയർത്തുന്നതിനും ഉത്തരവാദിത്തം ഉറപ്പാക്കുന്നതിനുമായി വരും ദിവസങ്ങളിലും പരിശോധനകൾ തുടരുമെന്ന് മുനിസിപ്പാലിറ്റി വ്യക്തമാക്കി. നിർമ്മാണ മേഖലയിലുള്ളവർ നിയമങ്ങൾ കർശനമായി പാലിക്കണമെന്നും അധികൃതർ ആവർത്തിച്ചു.

വീടിനുള്ളില്‍ കഞ്ചാവ് തോട്ടം, കുവൈത്തില്‍ സ്വദേശികള്‍ അറസ്റ്റില്‍

Kuwait Marijuana Farm കുവൈത്ത് സിറ്റി: കുവൈത്ത് ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് യൂസഫ് സൗദ് അൽ-സബാഹിന്റെ നേരിട്ടുള്ള മേൽനോട്ടത്തിൽ നടന്ന സുരക്ഷാ പരിശോധനയിൽ, അത്യാധുനിക സംവിധാനങ്ങളോടെ വീടിനുള്ളിൽ പ്രവർത്തിപ്പിച്ചിരുന്ന കഞ്ചാവ് കൃഷി കേന്ദ്രം സുരക്ഷാ സേന തകർത്തു. സംഭവവുമായി ബന്ധപ്പെട്ട് നാല് കുവൈറ്റ് സ്വദേശികളെ അറസ്റ്റ് ചെയ്തു. രഹസ്യവിവരത്തിന്റെ അടിസ്ഥാനത്തിൽ ആന്റി നർക്കോട്ടിക്സ് വിഭാഗം നടത്തിയ നീണ്ട നിരീക്ഷണത്തിനൊടുവിലാണ് സബാഹ് അൽ അഹമ്മദ് ഏരിയയിലുള്ള പ്രതിയുടെ വീട്ടിൽ റെയ്ഡ് നടത്തിയത്. വീടിനുള്ളിൽ കൃത്രിമമായി സജ്ജീകരിച്ച തോട്ടത്തിൽ നിന്ന് 70-ഓളം കഞ്ചാവ് ചെടികളും, വിതരണത്തിന് തയ്യാറാക്കി വെച്ചിരുന്ന ഒരു കിലോഗ്രാം കഞ്ചാവും ഉദ്യോഗസ്ഥർ കണ്ടെടുത്തു. കൂടാതെ, സംഭവസ്ഥലത്ത് നിന്ന് തോക്കുകളും തിരകളും പിടിച്ചെടുത്തിട്ടുണ്ട്. പിടിക്കപ്പെട്ട പ്രതികൾ കുറ്റം സമ്മതിച്ചതായും ഇവരെ തുടർനടപടികൾക്കായി ജുഡീഷ്യൽ അതോറിറ്റിക്ക് കൈമാറിയതായും അധികൃതർ അറിയിച്ചു. കുവൈത്തിന്റെ പുതിയ മയക്കുമരുന്ന് നിയമപ്രകാരം ഈ കേസ് അതീവ ഗുരുതരമായ കുറ്റകൃത്യമായാണ് പരിഗണിക്കുന്നത്. ലഹരിമരുന്ന് ഉൽപാദനവും വിതരണവും ലക്ഷ്യമിട്ടുള്ള കുറ്റകൃത്യങ്ങൾക്ക് താഴെ പറയുന്ന ശിക്ഷകൾ ലഭിക്കാം.

കുവൈത്തിൽ ഭൂചലനം: വിവിധ പ്രദേശങ്ങളില്‍ പ്രകമ്പനം അനുഭവപ്പെട്ടു

Mild earthquake in Kuwait കുവൈത്ത് സിറ്റി: കുവൈത്തിന്റെ വിവിധ ഭാഗങ്ങളിൽ ചൊവ്വാഴ്ച ഉച്ചയ്ക്ക് ഏകദേശം 1.27-ഓടെ നേരിയ ഭൂചലനം അനുഭവപ്പെട്ടു. ഭൂചലനത്തിന്റെ ഉറവിടവും തീവ്രതയും അധികൃതർ പരിശോധിച്ചുവരികയാണ്. ആഗോള ഭൂകമ്പ നിരീക്ഷണ ഏജൻസികളുടെ റിപ്പോർട്ട് പ്രകാരം റിക്ടർ സ്കെയിലിൽ 4.2 തീവ്രത രേഖപ്പെടുത്തിയ ഭൂചലനം, അൽ അഹമ്മദിക്ക് സമീപം 55 കിലോമീറ്റർ ആഴത്തിലാണ് ഉണ്ടായത്. അതേസമയം, ഷുവൈഖ്, ഫർവാനിയ എന്നിവിടങ്ങളിലെ കെട്ടിടങ്ങൾക്ക് ഏകദേശം രണ്ട് സെക്കൻഡോളം നേരിയ കുലുക്കം അനുഭവപ്പെട്ടതായി താമസക്കാർ റിപ്പോർട്ട് ചെയ്തു. കുവൈത്ത് ഇൻസ്റ്റിറ്റ്യൂട്ട് ഫോർ സയന്റിഫിക് റിസർച്ചിലെ കുവൈറ്റ് നാഷണൽ സീസ്മിക് നെറ്റ്‌വർക്കിന്റെ കണക്കനുസരിച്ച്, കുവൈത്തിന്റെ തെക്കുപടിഞ്ഞാറൻ ഭാഗമായ അൽ-മനാഖിഷ് മേഖലയിൽ റിക്ടർ സ്കെയിലിൽ 4.4 തീവ്രത രേഖപ്പെടുത്തിയ ഭൂചലനമാണ് ഉണ്ടായത്.