Malayali girl dies sharjah ഷാർജ: കെട്ടിടത്തിന്റെ മൂന്നാം നിലയിൽ നിന്ന് വീണ് മലയാളി ബാലിക ഷാർജയിൽ മരിച്ചു. അൽ നബ്ബയിൽ താമസിക്കുന്ന മുബാറക് അലിയുടെ മകൾ സഫ (7) യാണ് മരിച്ചത്. ഷാർജയിലെ സ്വകാര്യ സ്കൂളിൽ രണ്ടാം ക്ലാസ് വിദ്യാർഥിനിയായിരുന്നു. കാസർകോട് മൊഗ്രാൽ സ്വദേശിയാണ് സഫ. ഇന്ന് രാവിലെ ഒമ്പത് മണിയോടെയായിരുന്നു അപകടം. കുട്ടിയുടെ മാതാവ് മുർഷിദ ജോലിക്ക് പോയിരുന്നതിനാൽ പിതാവ് മുബാറക് മാത്രമാണ് ആ സമയത്ത് ഫ്ലാറ്റിലുണ്ടായിരുന്നത്. മുറിയിൽ കളിച്ചുകൊണ്ടിരുന്ന സഫ ജനാലയിലൂടെ താഴേക്ക് വീഴുകയായിരുന്നു. ഗുരുതരമായി പരുക്കേറ്റ കുട്ടിയെ ഉടൻ അൽ ഖാസിമി ആശുപത്രിയിൽ എത്തിച്ചെങ്കിലും രാവിലെ 11 മണിയോടെ മരണം സംഭവിച്ചു. മൃതദേഹം അൽ ഖാസിമി ആശുപത്രി മോർച്ചറിയിലേക്ക് മാറ്റി. മുബാറക് ദുബായിലെ ഒരു ആശുപത്രിയിൽ ലാബ് ടെക്നിഷ്യനായി ജോലി ചെയ്യുന്നു. മുർഷിദ ഷാർജയിലെ ഒരു റിയൽ എസ്റ്റേറ്റ് കമ്പനിയിലെ ജീവനക്കാരിയാണ്. വേനലവധിക്കായി നാട്ടിലേക്ക് പോയ കുടുംബം കഴിഞ്ഞ ബുധനാഴ്ചയാണ് ഷാർജയിൽ തിരിച്ചെത്തിയത്. എന്നാൽ മുബാറക് ഇതുവരെ ജോലിയിൽ തിരികെ പ്രവേശിച്ചിരുന്നില്ല. കഴിഞ്ഞ എട്ട് വർഷമായി ഷാർജയിൽ താമസിക്കുന്ന ദമ്പതികൾക്ക് സഫ ഏക മകളായിരുന്നു.

യുഎഇയിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

യുഎഇയിലെ മറ്റ് എമിറേറ്റുകളിലേക്കും ജിസിസി രാജ്യങ്ങളിലേക്കും വ്യാപിപ്പിക്കാന്‍ പാർക്കിൻ

Dubai’s Parkin to expand ദുബായ്: പാർക്കിങ് ഓപ്പറേറ്ററായ പാർക്കിൻ കമ്പനി യുഎഇയിലെ മറ്റ് എമിറേറ്റുകളിലേക്കും പ്രവർത്തനം വ്യാപിപ്പിക്കാൻ ഒരുങ്ങുന്നതായി സിഇഒ അറിയിച്ചു. ഗൾഫ് സഹകരണ കൗൺസിൽ രാജ്യങ്ങളിലും പുതിയ അവസരങ്ങൾ സജീവമായി പരിശോധിച്ചുവരികയാണ്. ദുബായ് ആസ്ഥാനമായുള്ള പാർക്കിങ് സേവനദാതാവ് നഗരവികസനം, സ്മാർട്ട് സിറ്റികൾ, മൊബിലിറ്റി അടിസ്ഥാനസൗകര്യങ്ങൾ തുടങ്ങിയ മേഖലകളിലെ നിക്ഷേപ സാധ്യതകളും നിരീക്ഷിച്ചുവരികയാണെന്ന് കമ്പനി സിഇഒ മുഹമ്മദ് അൽ അലി പറഞ്ഞു. “പാർക്കിങ് മാനേജ്മെന്റ് ടെക്നോളജി ഓപ്പറേഷൻ, കൺസൾട്ടിങ്, പങ്കാളിത്ത മാതൃകകൾ തുടങ്ങി വിവിധ രീതികളിലൂടെ യുഎഇയ്ക്ക് പുറത്തുള്ള അവസരങ്ങളും ഞങ്ങൾ പരിശോധിച്ചുവരികയാണ്,” ഖലീജ് ടൈംസിന് നൽകിയ പ്രത്യേക അഭിമുഖത്തിൽ അൽ അലി പറഞ്ഞു. നിലവിലെ ഭൗമരാഷ്ട്രീയ സാഹചര്യം വിലയിരുത്തിയ ശേഷമാണ് അടുത്ത വിപുലീകരണ പദ്ധതി പ്രഖ്യാപിക്കുകയെന്ന് അൽ അലി വ്യക്തമാക്കി. “നിലവിൽ ചില ഓപ്ഷനുകൾ പരിഗണനയിലുണ്ട്. ചർച്ചകൾ നടന്നുവരികയാണ്. മികച്ച അവസരവും സുരക്ഷിതമായ സാഹചര്യവും ഉറപ്പായാൽ പദ്ധതി പ്രഖ്യാപിക്കും,” അദ്ദേഹം പറഞ്ഞു. ഏത് രാജ്യത്തേക്കാണ് വ്യാപനം ലക്ഷ്യമിടുന്നതെന്ന് ഈ ഘട്ടത്തിൽ വ്യക്തമാക്കാൻ സിഇഒ തയ്യാറായില്ല. എന്നാൽ ഗൾഫ് മേഖലയിലേക്കാണ് സാധ്യതയെന്ന് അദ്ദേഹം സൂചന നൽകി. പാർക്കിങ് മാനേജ്മെന്റ്, ഓപ്പറേഷൻ, ടെക്നോളജി മേഖലയിൽ മൂന്ന് പതിറ്റാണ്ടിലേറെ പരിചയമുള്ള കമ്പനിയാണ് പാർക്കിൻ എന്നും ഈ വൈദഗ്ധ്യം ജിസിസിയിലെയും മേഖലയിലെയും മറ്റ് വിപണികളിലേക്കും എളുപ്പത്തിൽ കൈമാറാനാകുമെന്നും അൽ അലി പറഞ്ഞു. അതേസമയം, പാർക്കിൻ കമ്പനി ജൂലൈ മധ്യത്തിൽ അൽ ജദ പ്രദേശത്ത് പണമടച്ച് ടിക്കറ്റ് ആവശ്യമില്ലാത്ത പാർക്കിങ് സംവിധാനം ആരംഭിച്ചിരുന്നു. എമിറേറ്റിലെ പ്രവർത്തനം വിപുലീകരിക്കുന്നതിനനുസരിച്ച് കൂടുതൽ പ്രദേശങ്ങളിൽ ഈ സംവിധാനം നടപ്പാക്കാനാണ് കമ്പനിയുടെ പദ്ധതി.