Kuwait Disability Affairs Authority Fund Violations കുവൈത്ത് സിറ്റി: കുവൈത്തിൽ ഭിന്നശേഷി കാര്യങ്ങൾക്കായുള്ള പബ്ലിക് അതോറിറ്റിയിൽ നടന്ന പൊതുപണം വെട്ടിപ്പുമായി ബന്ധപ്പെട്ട കേസുകൾ പബ്ലിക് പ്രോസിക്യൂഷന് കൈമാറി. സാമൂഹിക കാര്യ, കുടുംബ, ശിശുക്ഷേമ മന്ത്രി ഡോ. അംതാൽ അൽ ഹുവൈലയാണ് ഇത് സംബന്ധിച്ച ഉത്തരവിട്ടത്. അറ്റകുറ്റപ്പണികളും കരാറുകളുമായി ബന്ധപ്പെട്ട നിയമലംഘനങ്ങളെക്കുറിച്ച് നടത്തിയ അന്വേഷണത്തെ തുടർന്നാണ് ഈ നടപടി. രേഖകളിൽ കാണിച്ച പ്രവൃത്തികൾ പലതും യഥാർത്ഥത്തിൽ നടപ്പിലാക്കിയിട്ടില്ലെന്നും എന്നാൽ അവയ്ക്കായി പണം അനുവദിച്ചെന്നുമാണ് അന്വേഷണത്തിൽ കണ്ടെത്തിയത്. ഏകദേശം 1.211 മില്യൺ കുവൈത്ത് ദിനാർ (ഏകദേശം 33 കോടിയിലധികം രൂപ) സാമ്പത്തിക നഷ്ടം ഉണ്ടായതായാണ് കണക്കാക്കുന്നത്. ഒരാഴ്ചയ്ക്കുള്ളിൽ ഇത്തരത്തിൽ പ്രോസിക്യൂഷന് കൈമാറുന്ന രണ്ടാമത്തെ അഴിമതിക്കേസാണിതെന്ന് മന്ത്രി വാർത്താ ഏജൻസിയായ കുനയോട് പറഞ്ഞു. പൊതുപണം സംരക്ഷിക്കുക എന്നത് വിട്ടുവീഴ്ചയില്ലാത്ത ഉത്തരവാദിത്തമാണെന്നും നിയമവിരുദ്ധമായ പ്രവർത്തനങ്ങളിൽ ഏർപ്പെടുന്നവർക്കെതിരെ കർശനമായ നിയമ-ഭരണ നടപടികൾ സ്വീകരിക്കുമെന്നും മന്ത്രി വ്യക്തമാക്കി. അവിഹിതമായി വിതരണം ചെയ്ത മുഴുവൻ പണവും തിരിച്ചുപിടിക്കാനുള്ള നടപടികൾ സ്വീകരിക്കും. അഴിമതിക്ക് ഉത്തരവാദികളായവർ ആരായാലും, അവർ വഹിക്കുന്ന പദവി നോക്കാതെ നടപടിയുണ്ടാകുമെന്ന് മന്ത്രി ഉറപ്പുനൽകി. പൊതുപണത്തിന്റെ ശരിയായ വിനിയോഗം ഉറപ്പാക്കാൻ ശക്തമായ നിരീക്ഷണം തുടരുമെന്നും ഡോ. അംതാൽ അൽ ഹുവൈല അറിയിച്ചു.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

ചികിത്സയ്ക്കെത്തി, ഒടുവിൽ ഫോണും പോയി! കുവൈത്തിലെ ആശുപത്രിയിൽ ഐഫോൺ 14 മോഷണം പോയി

iPhone 14 Missing Kuwait കുവൈത്ത് സിറ്റി: കുവൈത്തിലെ അൽ-സബാഹ് ആശുപത്രിയിൽ ചികിത്സയ്ക്കെത്തിയ വ്യക്തിയുടെ വിലകൂടിയ ഐഫോൺ 14 മോഷണം പോയി. ഭക്ഷണത്തിന് ശേഷം ശാരീരിക അസ്വസ്ഥത അനുഭവപ്പെട്ടതിനെ തുടർന്ന് പുലർച്ചെ 12:30ഓടെയാണ് ഇയാൾ ആശുപത്രിയിലെത്തിയത്. സംഭവത്തിൽ പരാതിക്കാരൻ ഉന്നയിച്ച വ്യക്തിക്കെതിരെ പോലീസ് അന്വേഷണം ആരംഭിച്ചു. ആശുപത്രിയിലെത്തിയ ഇയാളെ ഡോക്ടർ പരിശോധിക്കുകയും കൂടുതൽ ചികിത്സയ്ക്കായി നിരീക്ഷണ മുറിയിൽ വിശ്രമിക്കാൻ നിർദ്ദേശിക്കുകയും ചെയ്തു. ഇവിടെ വിശ്രമിക്കുന്നതിനിടെയാണ് തന്റെ ഐഫോൺ കാണാതായ വിവരം ഇയാൾ തിരിച്ചറിഞ്ഞത്. ആ സമയത്ത് നിരീക്ഷണ മുറിയിൽ തന്നോടൊപ്പം ഉണ്ടായിരുന്ന വ്യക്തിയാണ് ഫോൺ മോഷ്ടിച്ചതെന്ന് ഇയാൾ ആരോപിക്കുന്നു. തന്റെ വ്യക്തിഗത വിവരങ്ങൾ, സ്വകാര്യ ചിത്രങ്ങൾ, മറ്റ് സ്റ്റോർ ചെയ്ത ഡാറ്റകൾ എന്നിവ മറ്റൊരാൾ കൈക്കലാക്കുമെന്നും ഫോൺ കുവൈത്തിന് പുറത്തേക്ക് കടത്താൻ സാധ്യതയുണ്ടെന്നും പരാതിക്കാരൻ ആശങ്ക പ്രകടിപ്പിച്ചു. സംഭവത്തിൽ മോഷണക്കേസ് രജിസ്റ്റർ ചെയ്യുകയും കൂടുതൽ അന്വേഷണത്തിനായി ക്രിമിനൽ ഇൻവെസ്റ്റിഗേഷൻ ഡിപ്പാർട്ട്മെന്റിന് കൈമാറുകയും ചെയ്തു. ആരോപണവിധേയനായ വ്യക്തിയെ ഉടൻ തന്നെ ചോദ്യം ചെയ്യലിനായി വിളിച്ചുവരുത്തുമെന്ന് അധികൃതർ അറിയിച്ചു.