Meat Destroyed കുവൈത്ത് സിറ്റി: കുവൈത്തിലെ ഫർവാനിയയിൽ 88 കിലോഗ്രാം മാംസം നശിപ്പിച്ചു. ജനറൽ അതോറിറ്റി ഫോർ ഫുഡ് ആൻഡ് ന്യൂട്രീഷ്യനാണ് ഫർവാനിയ ഗവർണറേറ്റിലെ ഭക്ഷ്യസ്ഥാപനങ്ങളിൽ പരിശോധന നടത്തിയത്. മായം ചേർത്ത ഭക്ഷ്യ ഉത്പന്നങ്ങളുടെ വ്യാപാരം, അനുമതിയില്ലാതെ സ്ഥാപനത്തിനുള്ളിൽ ഉറങ്ങുകയോ രാത്രി താമസിക്കുകയോ ചെയ്യുക, പൊതുവായ ശുചിത്വ ആവശ്യകതകൾ പാലിക്കുന്നതിൽ പരാജയപ്പെടുക തുടങ്ങിയവ ഉൾപ്പെടെ 10 നിയമ ലംഘനങ്ങളാണ് പരിശോധനയിൽ കണ്ടെത്തിയത്. നിയമ ലംഘകർക്കെതിരെ നടപടി സ്വീകരിക്കുമെന്ന് അധികൃതർ വ്യക്തമാക്കി. ആരോഗ്യ, ഭക്ഷ്യ സുരക്ഷാ മാനദണ്ഡങ്ങൾ നടപ്പിലാക്കുന്നതിനും ഉപഭോക്താക്കളെ സംരക്ഷിക്കുന്നതിനും വരും ദിവസങ്ങളിലും പരിശോധനാ ക്യംമ്പെയ്ൻ തുടരുമെന്നും നിയമലംഘകർക്കെതിരെ വിട്ടുവീഴ്ച്ചയില്ലാത്ത നടപടി സ്വീകരിക്കുമെന്നും അധികൃതർ കൂട്ടിച്ചേർത്തു.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

കസ്റ്റഡിയിലിരിക്കെ കുട്ടിയുമായി വിദേശത്തേക്ക് കടന്നു; കുവൈത്തിൽ മുൻ ഭർത്താവിനെതിരെ പരാതിയുമായി യുവതി

Police Complaint കുവൈത്ത് സിറ്റി: കുവൈത്തിൽ മുൻ ഭർത്താവ് കുട്ടിയുമായി വിദേശത്തേക്ക് കടന്നുവെന്ന പരാതിയുമായി യുവതി. കോടതി ഉത്തരവ് പ്രകാരം കുഞ്ഞിനെ കാണിക്കാൻ എത്തിക്കാതെ, തന്നിൽ നിന്ന് വേർപിരിഞ്ഞ വിദേശിയായ മുൻ ഭർത്താവ് മകനെയും കൊണ്ട് വിദേശത്തേക്ക് കടന്നുവെന്നാണ് സ്വദേശി യുവതി നൽകിയിരിക്കുന്ന പരാതി. 1988-ൽ ജനിച്ച യുവതിയാണ് തനിക്കൊപ്പം താമസിച്ചിരുന്ന ഏഴ് വയസ്സുള്ള മകനെ മുൻ ഭർത്താവ് വിദേശത്തേക്ക് കടത്തിയെന്ന പരാതി നൽകിയത്.

കോടതി നിർദ്ദേശപ്രകാരം കുട്ടിയെ കാണാൻ അനുവദിച്ച നിശ്ചിത സമയത്ത് കാത്തുനിന്നെങ്കിലും മകനെ എത്തിച്ചില്ല. തുടർന്ന് മുൻ ഭർത്താവുമായി ബന്ധപ്പെട്ടപ്പോഴാണ് കുഞ്ഞുമായി അയാൾ രാജ്യം വിട്ട വിവരം യുവതി അറിയുന്നത്. തുടർന്ന് ഇവർ പോലീസ് സ്റ്റേഷനിലെത്തി പരാതി നൽകി. പിന്നീട്, സംഭവത്തിൽ പബ്ലിക് പ്രോസിക്യൂഷൻ ഇടപെട്ടു. കേസ് രജിസ്റ്റർ ചെയ്യാനും, വിഷയം വിശദമായി അന്വേഷിച്ച് കുട്ടി എവിടെയാണെന്ന് കണ്ടെത്താനും ആവശ്യമായ നിയമനടപടികൾ സ്വീകരിക്കാനും ക്രിമിനൽ ഇൻവെസ്റ്റിഗേഷൻ ഡിപ്പാർട്ട്മെന്റിന് പ്രോസിക്യൂഷൻ നിർദ്ദേശം നൽകിയിട്ടുണ്ട്.