Police Complaint കുവൈത്ത് സിറ്റി: കുവൈത്തിൽ മുൻ ഭർത്താവ് കുട്ടിയുമായി വിദേശത്തേക്ക് കടന്നുവെന്ന പരാതിയുമായി യുവതി. കോടതി ഉത്തരവ് പ്രകാരം കുഞ്ഞിനെ കാണിക്കാൻ എത്തിക്കാതെ, തന്നിൽ നിന്ന് വേർപിരിഞ്ഞ വിദേശിയായ മുൻ ഭർത്താവ് മകനെയും കൊണ്ട് വിദേശത്തേക്ക് കടന്നുവെന്നാണ് സ്വദേശി യുവതി നൽകിയിരിക്കുന്ന പരാതി. 1988-ൽ ജനിച്ച യുവതിയാണ് തനിക്കൊപ്പം താമസിച്ചിരുന്ന ഏഴ് വയസ്സുള്ള മകനെ മുൻ ഭർത്താവ് വിദേശത്തേക്ക് കടത്തിയെന്ന പരാതി നൽകിയത്.

കോടതി നിർദ്ദേശപ്രകാരം കുട്ടിയെ കാണാൻ അനുവദിച്ച നിശ്ചിത സമയത്ത് കാത്തുനിന്നെങ്കിലും മകനെ എത്തിച്ചില്ല. തുടർന്ന് മുൻ ഭർത്താവുമായി ബന്ധപ്പെട്ടപ്പോഴാണ് കുഞ്ഞുമായി അയാൾ രാജ്യം വിട്ട വിവരം യുവതി അറിയുന്നത്. തുടർന്ന് ഇവർ പോലീസ് സ്റ്റേഷനിലെത്തി പരാതി നൽകി. പിന്നീട്, സംഭവത്തിൽ പബ്ലിക് പ്രോസിക്യൂഷൻ ഇടപെട്ടു. കേസ് രജിസ്റ്റർ ചെയ്യാനും, വിഷയം വിശദമായി അന്വേഷിച്ച് കുട്ടി എവിടെയാണെന്ന് കണ്ടെത്താനും ആവശ്യമായ നിയമനടപടികൾ സ്വീകരിക്കാനും ക്രിമിനൽ ഇൻവെസ്റ്റിഗേഷൻ ഡിപ്പാർട്ട്മെന്റിന് പ്രോസിക്യൂഷൻ നിർദ്ദേശം നൽകിയിട്ടുണ്ട്.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

സൈനികനെ ആക്രമിച്ചു; കുവൈത്തിൽ ഒരാൾ അറസ്റ്റിൽ

Defense Soldier കുവൈത്ത് സിറ്റി: പ്രതിരോധ മന്ത്രാലയത്തിലെ സൈനികനെ ആക്രമിച്ച കേസിൽ കുവൈത്തിൽ ഒരാൾ അറസ്റ്റിൽ. സ്വദേശി പൗരനാണ് അറസ്റ്റിലായത്. ഔദ്യോഗിക കൃത്യനിർവഹണത്തിലേർപ്പെട്ടിരുന്ന സൈനികനെയാണ് ഇയാൾ ആക്രമിച്ചത്. സൈനികൻ നൽകിയ പരാതി അനുസരിച്ച് ഔദ്യോഗിക സൈനിക വാഹനത്തിൽ ജഹ്‌റ ഭാഗത്തേക്ക് പോകുമ്പോൾ സുലൈബിയ വെയർഹൗസുകൾക്ക് സമീപം സെവന്ത് റിംഗ് റോഡിൽ വെച്ചായിരുന്നു സംഭവം നടന്നത്. പെട്ടെന്ന് മുന്നിൽ വന്ന് നിർത്തിയ എസ്.യു.വി വാഹനത്തിൽ നിന്ന് ഇറങ്ങിവന്ന ഡ്രൈവർ സൈനികനെ ക്രൂരമായി ആക്രമിക്കുകയായിരുന്നുവെന്നാണ് പരാതിയിൽ പറയുന്നത്.

ആക്രമണത്തിൽ പരിക്കേറ്റ സൈനികന്റെ മെഡിക്കൽ റിപ്പോർട്ട് കേസ് ഫയലിൽ ഉൾപ്പെടുത്തിയിട്ടുണ്ട്. സംഭവത്തിന് ശേഷം ഫോൺ വഴി ബന്ധപ്പെട്ട് പ്രതിയോട് പോലീസ് സ്റ്റേഷനിൽ ഹാജരാകാൻ ഉദ്യോഗസ്ഥർ ആവശ്യപ്പെടുകയായിരുന്നു. തുടർന്ന് നടത്തിയ പ്രാഥമിക ചോദ്യം ചെയ്യലിന് ശേഷം കൂടുതൽ നിയമനടപടികൾക്കായി ഇയാളെ തടങ്കലിൽ വയ്ക്കാൻ അന്വേഷണ ഉദ്യോഗസ്ഥൻ ഉത്തരവിടുകയായിരുന്നു. സംഭവത്തിൽ വിശദമായ അന്വേഷണം നടത്താൻ വേണ്ടി കേസ് ബന്ധപ്പെട്ട വകുപ്പുകൾക്ക് കൈമാറി.