visa fraud ദുബായ്: വ്യാജ ഫ്രീലാൻസ് വിസയുമായി ബന്ധപ്പെട്ട് യുഎഇയിൽ ഒരാൾ അറസ്റ്റിൽ. വ്യാജ ഫ്രീലാൻസ് വിസകൾ വാഗ്ദാനം ചെയ്ത് പണം തട്ടിയ കേസിലാണ് വിദേശ പൗരനെ ദുബായ് പോലീസ് അറസ്റ്റ് ചെയ്തത്. സ്വന്തം നാട്ടിൽ കല, വിനോദ മേഖലകളിൽ പ്രശസ്തനായിരുന്ന വ്യക്തിയാണ് പിടിയിലായതെന്ന് ദുബായ് ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് വ്യക്തമാക്കി.
ഒരാളുടെ കൈവശമുണ്ടായിരുന്ന വ്യാജ രേഖയെക്കുറിച്ച് ലഭിച്ച വിവരത്തെത്തുടർന്ന് നടത്തിയ വിശദമായ അന്വേഷണമാണ് പ്രതിയെ വലയിലാക്കിയത്. ദുബായ് പോലീസും ജിഡിആർഎഫ്എയും സംയുക്തമായാണ് പരിശോധന നടത്തിയത്. യുഎഇയിൽ തൊഴിൽ അന്വേഷിക്കുന്നവരെയും മെച്ചപ്പെട്ട ജീവിതം ആഗ്രഹിക്കുന്നവരെയും ലക്ഷ്യമിട്ടാണ് ഇയാൾ തട്ടിപ്പ് നടത്തിയത്. ഡിജിറ്റൽ പ്ലാറ്റ്ഫോമുകൾ വഴി വ്യാജ വിസകൾ പ്രചരിപ്പിച്ച് ഇയാൾ പണം തട്ടുകയായിരുന്നുവെന്ന് ജിഡിആർഎഫ്എ അസിസ്റ്റന്റ് ഡയറക്ടർ ജനറൽ മേജർ ജനറൽ ഡോ. അലി ബിൻ അജിഫ് അൽ സാബി പറഞ്ഞു.
അതേസമയം, ഔദ്യോഗിക നടപടിക്രമങ്ങൾ പാലിക്കാതെ സോഷ്യൽ മീഡിയ വഴിയോ മറ്റ് ഡിജിറ്റൽ പ്ലാറ്റ്ഫോമുകൾ വഴിയോ ലഭിക്കുന്ന വിസ വാഗ്ദാനങ്ങളിൽ വീഴരുതെന്ന് അധികൃതർ മുന്നറിയിപ്പ് നൽകി. സർക്കാർ സംവിധാനങ്ങളുമായി ബന്ധമുണ്ടെന്ന് തോന്നിപ്പിക്കുന്ന രീതിയിലാകും ചില തട്ടിപ്പുകാർ പരസ്യങ്ങൾ നൽകുന്നത്. ഇത്തരം വ്യാജ വാഗ്ദാനങ്ങൾ വിശ്വസിച്ച് പണമോ വ്യക്തിഗത വിവരങ്ങളോ കൈമാറരുതെന്നാണ് നിർദ്ദേശം.
വിസ, റെസിഡൻസി സംബന്ധമായ എല്ലാ ഇടപാടുകളും സർക്കാർ അംഗീകരിച്ച ലൈസൻസുള്ള സേവന കേന്ദ്രങ്ങൾ വഴിയോ ഔദ്യോഗിക വെബ്സൈറ്റുകൾ വഴിയോ മാത്രമേ പൂർത്തിയാക്കാവൂ. സംശയാസ്പദമായ ഏതെങ്കിലും വിസ ഓഫറുകൾ ശ്രദ്ധയിൽപ്പെട്ടാൽ ഉടൻ തന്നെ വിവരമറിയിക്കണമെന്നും അധികൃതർ കൂട്ടിച്ചേർത്തു.
യുഎഇയിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക
പ്രവാസികൾക്ക് സന്തോഷ വാർത്ത; കുറഞ്ഞ വാടകയിൽ വീടുകൾ കണ്ടെത്താം….
Rent House അബുദാബി: അബുദാബിയിലെ പ്രവാസികൾക്ക് സന്തോഷവാർത്ത. അബുദാബിയിൽ വാടകവീടുകളും വിപണി നിരക്കുകളും കണ്ടെത്താൻ പ്രവാസികൾക്ക് സഹായം നൽകിയിരിക്കുകയാണ് അബുദാബി റിയൽ എസ്റ്റേറ്റ് സെന്ററിന്റെ (എ.ഡി.ആർ.ഇ.സി) ‘റെന്റൽ ഇൻഡക്സ്’. വാടകക്കാർക്ക് അബുദാബിയിലെ ഓരോ പ്രദേശത്തെയും ഔദ്യോഗിക ശരാശരി വാടക നിരക്കുകൾ വിരൽത്തുമ്പിൽ അറിയാൻ സാധിക്കുന്ന ഇന്ററാക്ടീവ് മാപ്പ് സംവിധാനമാണിത്.
റെന്റൽ മാപ്പ് ഉപയോഗിക്കേണ്ട വിധം:
എ.ഡി.ആർ.ഇ.സി വെബ്സൈറ്റ് സന്ദർശിക്കുക
ശേഷം ഹോം പേജിലെ ‘റിയൽ എസ്റ്റേറ്റ് മാർക്കറ്റ് ഡാറ്റ’ എന്നതിൽ ക്ലിക്ക് ചെയ്ത് ‘ഇന്ററാക്ടിവ് മാപ്പ്’ തിരഞ്ഞെടുക്കുക.
വാടക നിരക്കുകൾ അറിയേണ്ട പ്രദേശം മാപ്പിൽ പോയിന്റൗട്ട് ചെയ്യുക.
സ്റ്റുഡിയോ അപ്പാർട്ട്മെന്റുകൾ, വില്ലകൾ, ടൗൺഹൗസുകൾ തുടങ്ങിയ വിവിധ തരം താമസസ്ഥലങ്ങളുടെ ഏറ്റവും കുറഞ്ഞ വാടക, ഇടത്തരം വാടക, കൂടിയ വാടക എന്നിവ ഇവിടെ ലഭ്യമാകും.
വാടകക്കാർക്കുള്ള പ്രധാന നേട്ടങ്ങൾ
വാടക തുക ന്യായമാണോ എന്ന് പരിശോധിക്കാം
ബ്രോക്കർമാരോ കെട്ടിട ഉടമകളോ ആവശ്യപ്പെടുന്ന തുക പ്രദേശത്തെ വിപണി നിരക്കിന് അനുയോജ്യമാണോയെന്ന് ഉറപ്പുവരുത്താം.
കൃത്യമായ വിലപേശൽ സാധ്യമാകും
വെബ്സൈറ്റുകളിലെ പരസ്യങ്ങളെ മാത്രം ആശ്രയിക്കാതെ ഗവൺമെന്റ് അംഗീകൃത വിവരങ്ങൾ വച്ച് കെട്ടിട ഉടമകളുമായി സംസാരിക്കാം.
പ്രദേശങ്ങൾ തമ്മിൽ താരതമ്യം ചെയ്യാം
അബൂദബിയിലേക്ക് പുതുതായി എത്തുന്നവർക്ക് തങ്ങളുടെ ബജറ്റിന് അനുയോജ്യമായ മികച്ച പ്രദേശങ്ങൾ കണ്ടെത്താൻ ഉപകരിക്കും.
ബജറ്റ് കൃത്യമായി പ്ലാൻ ചെയ്യാം
വീടുകൾ നേരിട്ട് കണ്ടു സമയം കളയുന്നതിന് മുമ്പ് തന്നെ സ്വന്തം സാമ്പത്തിക ശേഷിക്ക് അനുയോജ്യമായ സ്ഥലങ്ങൾ തിരഞ്ഞെടുക്കാം.
കുറഞ്ഞ നിരക്കിലുള്ള വീടുകൾ തിരിച്ചറിയാം
വിപണി നിരക്കിനേക്കാൾ വളരെ കുറഞ്ഞ വാടക വാഗ്ദാനം ചെയ്യുന്ന പരസ്യങ്ങൾ ശ്രദ്ധയിൽപ്പെട്ടാൽ അതിലെ കെട്ടിടത്തിന്റെ പഴക്കം, വലിപ്പം, സൗകര്യങ്ങൾ എന്നിവ മുൻകൂട്ടി ചോദിച്ചറിയാൻ കഴിയും.
