divorce കുവൈത്ത് സിറ്റി: കുവൈത്തിൽ വിവാഹ മോചന കേസുകളിൽ വർദ്ധനവ്. രാജ്യത്തെ വിവാഹിതരുടെ എണ്ണത്തിലും വർദ്ധനവുണ്ടായിട്ടുണ്ട്. പബ്ലിക് അതോറിറ്റി ഫോർ സിവിൽ ഇൻഫർമേഷൻ പുറത്തുവിട്ട ഏറ്റവും പുതിയ സ്ഥിതിവിവരക്കണക്കുകൾ പ്രകാരം 2026 മധ്യത്തോടെ രാജ്യത്തെ വിവാഹിതരായ കുവൈത്തി പൗരന്മാരുടെ എണ്ണം 5,27,223 ആയി ഉയർന്നു. ഇതിൽ 2,74,204 പുരുഷന്മാരും 2,53,016 സ്ത്രീകളുമാണുള്ളത്.

2017 പകുതിയിൽ വിവാഹിതരുടെ എണ്ണം 4,71,136 ആയിരുന്നു. കഴിഞ്ഞ ഒൻപത് വർഷത്തിനിടെ വിവാഹിതരുടെ എണ്ണത്തിൽ 56,000-ത്തിലധികം വർദ്ധനവാണ് രേഖപ്പെടുത്തിയത്. 2025 മധ്യത്തിൽ 83,320 ആയിരുന്ന വിവാഹമോചന കേസുകൾ 2026 മധ്യത്തോടെ 84,975 ആയി ഉയർന്നു. വെറും 12 മാസത്തിനിടെ 1,655 പുതിയ കേസുകൾ രജിസ്റ്റർ ചെയ്തത് സാമൂഹിക-ഭരണ സ്ഥാപനങ്ങളെ ഇതിന്റെ കാരണങ്ങളെക്കുറിച്ച് കൂടുതൽ പഠിക്കാൻ പ്രേരിപ്പിച്ചിരിക്കുകയാണ്.

അതേസമയം, രാജ്യത്തെ ആകെ വിധവകളുടെയും ഭാര്യമാർ മരിച്ച പുരുഷന്മാരുടെയും എണ്ണം 32,880 ആണ്. സ്ത്രീ (വിധവകൾ): 27,917 (85%) പുരുഷന്മാർ: 4,963. 2017-ലെ കണക്കുകളുമായി (31,024) താരതമ്യം ചെയ്യുമ്പോൾ ഇതിൽ 6 ശതമാനത്തിന്റെ (1,856 കേസുകൾ) വർദ്ധനവുണ്ടായെന്നും കണക്കുകൾ വ്യക്തമാക്കുന്നു.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

വ്യാജ ഭാര്യമാരും മക്കളും; കുവൈത്തിനെ ഞെട്ടിച്ച പൗരത്വ തട്ടിപ്പ്, 244 പേരുടെ പൗരത്വം റദ്ദാക്കി

Citizenship കുവൈത്ത് സിറ്റി: കുവൈത്തിൽ വ്യാജ രേഖകളുണ്ടാക്കി പൗരത്വം നേടിയെടുത്ത ഒരു കുടുംബത്തിലെ 244 പേരുടെ പൗരത്വം റദ്ദാക്കി. 2021-ൽ അന്തരിച്ച ഒരു കുവൈത്ത് പൗരന്റെ കുടുംബ ഫയൽ കേന്ദ്രീകരിച്ച് നടത്തിയ അന്വേഷണത്തിലാണ് രാജ്യത്തെ ഞെട്ടിച്ച പൗരത്വ തച്ചിപ്പ് കഥ പുറത്തുവന്നത്. മരിച്ച വ്യക്തിയുടെ റെക്കോർഡുകൾ പ്രകാരം ഇയാൾക്ക് ആറ് ഭാര്യമാരിലായി 28 മക്കളുണ്ടെന്നാണ് രേഖപ്പെടുത്തിയിരുന്നത്. എന്നാൽ വിശദമായ അന്വേഷണത്തിൽ ഇയാൾക്ക് മൂന്ന് ഭാര്യമാർ മാത്രമേ ഉണ്ടായിരുന്നുള്ളൂ എന്ന് കണ്ടെത്തി. ബാക്കിയുള്ള മൂന്ന് ‘കടലാസ് ഭാര്യമാരുടെ’ പേരിൽ വ്യാജമായി കുട്ടികളെ ചേർത്ത് പൗരത്വം നേടിയെടുക്കുകയായിരുന്നു.

മരിച്ചയാളുടെ മുൻപ് ശേഖരിച്ച ഡിഎൻഎ സാമ്പിൾ പരിശോധിച്ചതോടെയാണ് തട്ടിപ്പ് ചുരുളഴിഞ്ഞത്. ലിസ്റ്റിലുള്ള 28 മക്കളിൽ 17 പേർ മാത്രമാണ് ഇയാളുടെ യഥാർത്ഥ മക്കളെന്ന് തെളിഞ്ഞു. മരിച്ച മറ്റ് രണ്ട് ‘മക്കളുടെ’ ജൈവിക ബന്ധം കണ്ടെത്താൻ അവരുടെ മക്കളുടെ ഡിഎൻഎ പരിശോധിച്ചെങ്കിലും ഫലം നെഗറ്റീവ് ആയിരുന്നു. അതായത്, ആ രണ്ട് പേരും ഇയാളുടെ മക്കളല്ലെന്ന് ഉറപ്പിച്ചു. തുടർന്ന് ഈ കുടുംബ ഫയലിലെ വ്യാജ അംഗങ്ങളെയും അവരെ ആശ്രയിച്ച് കഴിയുന്നവരെയും ഉൾപ്പെടെ ആകെ 244 പേരുടെ പൗരത്വം സർക്കാർ റദ്ദാക്കുകയായിരുന്നു,

ഇതിൽ ഒരു കേസിൽ മാത്രം 113 പേരും മറ്റൊരു കേസിൽ 58 പേരും ഉൾപ്പെടുന്നു. ലിസ്റ്റിലുള്ള ബാക്കിയുള്ളവരെക്കുറിച്ചും അന്വേഷണം പുരോഗമിക്കുകയാണ്.