Truck കുവൈത്ത് സിറ്റി: കുവൈത്തിൽ ട്രക്കുകളുടെ ഗതാഗതത്തിന് സമയ നിയന്ത്രണം ഏർപ്പെടുത്തി. പുതിയ നിയന്ത്രണം സെപ്തംബർ 1 മുതൽ പ്രാബല്യത്തിൽ വരും. 2027 ഓഗസ്റ്റ് 31 വരെ നിയന്ത്രണം നിലനിൽക്കും. രാജ്യത്തെ എല്ലാ റോഡുകളിലും തിരക്ക് കുറയ്ക്കുന്നതിനും റോഡ് സുരക്ഷ മെച്ചപ്പെടുത്തുന്നതിനുമാണ് സമയ നിയന്ത്രണം ഏർപ്പെടുത്തിയിരിക്കുന്നതെന്ന് ആഭ്യന്തര മന്ത്രാലയം അറിയിച്ചു.

ഇത് പ്രകാരം 2026 സെപ്തംബർ 1 മുതൽ 2027 ജൂൺ 14 വരെ ട്രക്കുകൾക്ക് രാവിലെ 6:30 മുതൽ 9:00 മണി വരെയും ഉച്ചയ്ക്ക് 12:30 മുതൽ 3:30 വരെയും റോഡുകളിൽ സഞ്ചരിക്കാൻ അനുമതിയുണ്ടാകില്ല. 2027 ജൂൺ 15 മുതൽ ഓഗസ്റ്റ് 31 വരെ നിരോധനം ഉച്ചയ്ക്ക് 12:30 മുതൽ 3:30 വരെ മാത്രമായിരിക്കും.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

മാംസപ്രേമികളുടെ ശ്രദ്ധയ്ക്ക്; സുരക്ഷാ മാനദണ്ഡങ്ങൾ പാലിച്ചില്ല, കുവൈത്തിലെ ഈ സ്ഥലത്ത് പിടികൂടിയത് കിലോക്കണക്കിന്…

Meat Destroyed കുവൈത്ത് സിറ്റി: കുവൈത്തിലെ ഫർവാനിയയിൽ 88 കിലോഗ്രാം മാംസം നശിപ്പിച്ചു. ജനറൽ അതോറിറ്റി ഫോർ ഫുഡ് ആൻഡ് ന്യൂട്രീഷ്യനാണ് ഫർവാനിയ ഗവർണറേറ്റിലെ ഭക്ഷ്യസ്ഥാപനങ്ങളിൽ പരിശോധന നടത്തിയത്. മായം ചേർത്ത ഭക്ഷ്യ ഉത്പന്നങ്ങളുടെ വ്യാപാരം, അനുമതിയില്ലാതെ സ്ഥാപനത്തിനുള്ളിൽ ഉറങ്ങുകയോ രാത്രി താമസിക്കുകയോ ചെയ്യുക, പൊതുവായ ശുചിത്വ ആവശ്യകതകൾ പാലിക്കുന്നതിൽ പരാജയപ്പെടുക തുടങ്ങിയവ ഉൾപ്പെടെ 10 നിയമ ലംഘനങ്ങളാണ് പരിശോധനയിൽ കണ്ടെത്തിയത്. നിയമ ലംഘകർക്കെതിരെ നടപടി സ്വീകരിക്കുമെന്ന് അധികൃതർ വ്യക്തമാക്കി. ആരോഗ്യ, ഭക്ഷ്യ സുരക്ഷാ മാനദണ്ഡങ്ങൾ നടപ്പിലാക്കുന്നതിനും ഉപഭോക്താക്കളെ സംരക്ഷിക്കുന്നതിനും വരും ദിവസങ്ങളിലും പരിശോധനാ ക്യംമ്പെയ്ൻ തുടരുമെന്നും നിയമലംഘകർക്കെതിരെ വിട്ടുവീഴ്ച്ചയില്ലാത്ത നടപടി സ്വീകരിക്കുമെന്നും അധികൃതർ കൂട്ടിച്ചേർത്തു.