Rent House അബുദാബി: അബുദാബിയിലെ പ്രവാസികൾക്ക് സന്തോഷവാർത്ത. അബുദാബിയിൽ വാടകവീടുകളും വിപണി നിരക്കുകളും കണ്ടെത്താൻ പ്രവാസികൾക്ക് സഹായം നൽകിയിരിക്കുകയാണ് അബുദാബി റിയൽ എസ്റ്റേറ്റ് സെന്ററിന്റെ (എ.ഡി.ആർ.ഇ.സി) ‘റെന്റൽ ഇൻഡക്‌സ്’. വാടകക്കാർക്ക് അബുദാബിയിലെ ഓരോ പ്രദേശത്തെയും ഔദ്യോഗിക ശരാശരി വാടക നിരക്കുകൾ വിരൽത്തുമ്പിൽ അറിയാൻ സാധിക്കുന്ന ഇന്ററാക്ടീവ് മാപ്പ് സംവിധാനമാണിത്.

റെന്റൽ മാപ്പ് ഉപയോഗിക്കേണ്ട വിധം:

എ.ഡി.ആർ.ഇ.സി വെബ്സൈറ്റ് സന്ദർശിക്കുക

ശേഷം ഹോം പേജിലെ ‘റിയൽ എസ്റ്റേറ്റ് മാർക്കറ്റ് ഡാറ്റ’ എന്നതിൽ ക്ലിക്ക് ചെയ്ത് ‘ഇന്ററാക്ടിവ് മാപ്പ്’ തിരഞ്ഞെടുക്കുക.

വാടക നിരക്കുകൾ അറിയേണ്ട പ്രദേശം മാപ്പിൽ പോയിന്റൗട്ട് ചെയ്യുക.

സ്റ്റുഡിയോ അപ്പാർട്ട്മെന്റുകൾ, വില്ലകൾ, ടൗൺഹൗസുകൾ തുടങ്ങിയ വിവിധ തരം താമസസ്ഥലങ്ങളുടെ ഏറ്റവും കുറഞ്ഞ വാടക, ഇടത്തരം വാടക, കൂടിയ വാടക എന്നിവ ഇവിടെ ലഭ്യമാകും.

വാടകക്കാർക്കുള്ള പ്രധാന നേട്ടങ്ങൾ

വാടക തുക ന്യായമാണോ എന്ന് പരിശോധിക്കാം

ബ്രോക്കർമാരോ കെട്ടിട ഉടമകളോ ആവശ്യപ്പെടുന്ന തുക പ്രദേശത്തെ വിപണി നിരക്കിന് അനുയോജ്യമാണോയെന്ന് ഉറപ്പുവരുത്താം.

കൃത്യമായ വിലപേശൽ സാധ്യമാകും

വെബ്സൈറ്റുകളിലെ പരസ്യങ്ങളെ മാത്രം ആശ്രയിക്കാതെ ഗവൺമെന്റ് അംഗീകൃത വിവരങ്ങൾ വച്ച് കെട്ടിട ഉടമകളുമായി സംസാരിക്കാം.

പ്രദേശങ്ങൾ തമ്മിൽ താരതമ്യം ചെയ്യാം

അബൂദബിയിലേക്ക് പുതുതായി എത്തുന്നവർക്ക് തങ്ങളുടെ ബജറ്റിന് അനുയോജ്യമായ മികച്ച പ്രദേശങ്ങൾ കണ്ടെത്താൻ ഉപകരിക്കും.

ബജറ്റ് കൃത്യമായി പ്ലാൻ ചെയ്യാം

വീടുകൾ നേരിട്ട് കണ്ടു സമയം കളയുന്നതിന് മുമ്പ് തന്നെ സ്വന്തം സാമ്പത്തിക ശേഷിക്ക് അനുയോജ്യമായ സ്ഥലങ്ങൾ തിരഞ്ഞെടുക്കാം.

കുറഞ്ഞ നിരക്കിലുള്ള വീടുകൾ തിരിച്ചറിയാം

വിപണി നിരക്കിനേക്കാൾ വളരെ കുറഞ്ഞ വാടക വാഗ്ദാനം ചെയ്യുന്ന പരസ്യങ്ങൾ ശ്രദ്ധയിൽപ്പെട്ടാൽ അതിലെ കെട്ടിടത്തിന്റെ പഴക്കം, വലിപ്പം, സൗകര്യങ്ങൾ എന്നിവ മുൻകൂട്ടി ചോദിച്ചറിയാൻ കഴിയും.

യുഎഇയിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

തൊഴിലന്വേഷകരേ ഇതിലേ; ഇനി വിദേശത്ത് നിന്നും നേരിട്ട് തൊഴിലാളികളെ നിയമിക്കാം, യുഎഇയിൽ പുതിയ ഡിജിറ്റൽ വർക്ക് പെർമിറ്റ് സേവനം

work permit ദുബായ്: വിദേശ രാജ്യങ്ങളിൽ നിന്ന് പുതിയ ജീവനക്കാരെ റിക്രൂട്ട് ചെയ്യുന്നതിനായി ഡിജിറ്റൽ വർക്ക് പെർമിറ്റ് (തൊഴിൽ പെർമിറ്റ്) സേവനം ആരംഭിച്ച് യുഎഇ. രാജ്യത്തിന് പുറത്തു നിന്നും യോഗ്യരായ ഉദ്യോഗസ്ഥരെയും തൊഴിലാളികളെയും നിയമിക്കുന്നതിനുള്ള നടപടിക്രമങ്ങൾ ലളിതമാക്കുന്നതിന്റെ ഭാഗമായാണ് മാനവവിഭവശേഷി, സ്വദേശിവത്ക്കരണ മന്ത്രാലയം (മൊഹ്റേ) പുതിയ സംവിധാനം പ്രാബല്യത്തിൽ വരുത്തിയത്.

ഈ സേവനം ലഭ്യമാകുക മന്ത്രാലയത്തിൽ രജിസ്റ്റർ ചെയ്തിട്ടുള്ള സ്ഥാപനങ്ങൾക്കും കമ്പനികൾക്കുമാണ്. രാജ്യത്തെ തൊഴിൽ നിയമങ്ങൾക്കും അംഗീകൃത മാർഗ നിർദേശങ്ങൾക്കും വിധേയമായി വിദേശത്ത് നിന്ന് തൊഴിലാളികളെ നിയമിക്കാൻ കമ്പനികൾക്ക് സാധിക്കും. അപേക്ഷകൾ സമർപ്പിക്കുന്നതും ആവശ്യമായ രേഖകൾ നൽകുന്നതും ഉൾപ്പെടെ റിക്രൂട്ട്‌മെന്റുമായി ബന്ധപ്പെട്ട എല്ലാ ഘട്ടങ്ങളും മന്ത്രാലയത്തിന്റെ ഔദ്യോഗിക ഡിജിറ്റൽ ചാനലുകൾ വഴി ഓൺലൈനായി പൂർത്തിയാക്കാം.

മന്ത്രാലയത്തിന്റെ ഡിജിറ്റൽ പ്ലാറ്റ്‌ഫോമുകൾ വഴി അപേക്ഷകളും ആവശ്യമായ രേഖകളും പൂർണമായും സമർപ്പിക്കാം. വിദേശത്ത് നിന്ന് തൊഴിലാളികളെ എത്തിക്കുന്നതിനുള്ള റിക്രൂട്ട്‌മെന്റ് ചെലവ്, സർക്കാർ ഫീസുകൾ, ഇൻഷുറൻസ്, നിയമപരമായ മറ്റ് വിഹിതങ്ങൾ/ഗ്യാരന്റികൾ എന്നിവ പൂർണമായും തൊഴിലുടമയുടെ ബാധ്യതയാണ്. സർക്കാർ സേവനങ്ങൾ പൂർണമായും ഡിജിറ്റലാക്കുന്നതന്റെയും ഭരണ നിർവഹണ സംവിധാനങ്ങളുടെ പ്രവർത്തനം എളുപ്പത്തിലാക്കുന്നതിന്റെയും ഭാഗമായാണ് നടപടി.