Fuel Price ദുബായ്: യുഎഇയിൽ 2026 സെപ്തംബർ മാസത്തെ ഇന്ധനവില പ്രഖ്യാപിച്ചു. കഴിഞ്ഞ മാസത്തെ അപേക്ഷിച്ച് നേരിയ വർദ്ധനവ് രേഖപ്പെടുത്തിയിട്ടുണ്ട്. സെപ്തംബർ 1 മുതൽ പുതിയ നിരക്ക് പ്രാബല്യത്തിൽ വരും. സൂപ്പർ 98 പെട്രോളിന് ഇനി 3.8 ദിർഹമായിരിക്കും വില. ഓഗസ്റ്റിൽ ഇത് 3.6 ദിർഹമായിരുന്നു. സ്പെഷ്യൽ 95 പെട്രോളിന് ലിറ്ററിന് സെപ്തംബർ 1 മുതൽ 3.69 ദിർഹമായിരിക്കും നിരക്ക്. നിലവിലെ നിരക്ക് 3.49 ദിർഹമാണ്.

ഇ-പ്ലസ് 91 പെട്രോൾ വില ലിറ്ററിന് 3.61 ദിർഹമായിരിക്കും സെപ്തംബർ മാസത്തെ നിരക്ക്. നേരത്തെ ഇത് 3.41 ദിർഹമായിരുന്നു. ഒരു ലിറ്റർ ഡീസലിന് ഓഗസ്റ്റിൽ 3.8 ദിർഹമായിരുന്നു നിരക്ക്. സെപ്തംബർ 1 മുതൽ ഇത് 4.3 ദിർഹമായിരിക്കും.

പശ്ചിമേഷ്യയിലെ യുദ്ധസാഹചര്യങ്ങളാണ് ഇന്ധന വില ഉയരാൻ കാരണം.

യുഎഇയിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

ഇത്തിഹാദ് റെയിൽ യാത്രക്കാരുടെ എണ്ണത്തിൽ വൻ വർദ്ധനവ്; ടിക്കറ്റ് വിൽപന ലക്ഷം കടന്നു

Ethihad Rail അബുദാബി: ഇത്തിഹാദ് റെയിൽ യാത്രക്കാരുടെ എണ്ണത്തിൽ വൻ വർദ്ധനവ്. ടിക്കറ്റ് വിൽപന ലക്ഷം കടന്നു. വേനലവധി കഴിഞ്ഞ് പ്രവാസികളും സ്വദേശികളും മടങ്ങിയെത്തിയതോടെയാണ് ഇത്തിഹാദ് റെയിൽ യാത്രക്കാരുടെ എണ്ണത്തിൽ വൻ വർധനവുണ്ടായിരിക്കുന്നത്. ജൂണിൽ അബുദാബിക്കും ഫുജൈറക്കുമിടയിൽ പരീക്ഷണാടിസ്ഥാനത്തിൽ ആരംഭിച്ച സർവീസുകളിലൂടെ ഇതുവരെ ഒരു ലക്ഷത്തിലധികം ടിക്കറ്റുകളാണ് വിറ്റഴിഞ്ഞത്.

സെപ്തംബർ 30ന് ദുബായ്, ഷാർജ സ്റ്റേഷനുകൾ ഉൾപ്പെടുന്ന ശൃംഖലയും തുറക്കും. ഇതോടെ കൂടുതൽ ആളുകൾ ദൈനംദിന യാത്രക്കായി ട്രെയിൻ സർവീസുകളെ ആശ്രയിക്കുമെന്നാണ് കരുതുന്നത്. കുടുംബാവശ്യങ്ങൾ, ചികിത്സ, വിനോദയാത്രകൾ തുടങ്ങിയ ആവശ്യങ്ങൾക്കായി റോഡ് മാർഗമുള്ള യാത്രക്ക് പകരം, കൂടുതൽ സുഖകരവും തടസ്സമില്ലാത്തതുമായ ബദൽ സംവിധാനമായി ഇത്തിഹാദ് റെയിൽ മാറിയതായി യാത്രക്കാർ സാക്ഷ്യപ്പെടുത്തുന്നു. എല്ലാ വിഭാഗം ജനങ്ങളിൽ നിന്നും വലിയ സ്വീകാര്യതയാണ് റെയിലിന് ലഭിക്കുന്നതെന്ന് ഇത്തിഹാദ് റെയിൽ ചീഫ് ഓപ്പറേറ്റിങ് ഓഫീസർ അസ്സ അൽ സുവൈദി പറഞ്ഞു.

കുടുംബങ്ങളും ദിനംപ്രതി ജോലിക്ക് പോകുന്നവരും ഉൾപ്പെടെയുള്ളവർ ട്രെയിൻ യാത്ര തിരഞ്ഞെടുക്കുന്നുണ്ട്. വരാനിരിക്കുന്ന ദുബായ് സ്റ്റേഷന്റെ ഉദ്ഘാടനവും സെപ്തംബർ 30ലെ ഔദ്യോഗിക നെറ്റ് വർക്ക് വിപുലീകരണവും പൂർത്തിയാകുന്നതോടെ കൂടുതൽ ആളുകൾ ദൈനംദിന ജീവിതത്തിന്റെ ഭാഗമായി ട്രെയിൻ യാത്രയെ മാറ്റുമെന്നും അസ്സ അൽ സുവൈദി അറിയിച്ചു. കൃത്യസമയത്തുള്ള സർവീസും സ്റ്റേഷനുകളിലെ എളുപ്പത്തിലുള്ള രജിസ്ട്രേഷൻ നടപടികളും മികച്ച സ്വീകരണവുമാണ് പ്രധാന ആകർഷണം. ട്രെയിനിലെ ഭക്ഷണ ലഭ്യത, കുട്ടികൾക്കായുള്ള പ്രത്യേക മെനു, സുഖകരമായ സീറ്റുകൾ എന്നിവ കുടുംബങ്ങൾക്ക് മികച്ച യാത്രാനുഭവമാണ് നൽകുന്നത്. അടിയന്തര മെഡിക്കൽ ആവശ്യങ്ങൾക്കും മറ്റും അബൂദബിയിലേക്ക് എത്തി തിരിച്ചുപോകാൻ റെയിൽ സർവീസ് വലിയ സഹായമാകുന്നു.