False Siren Test Kuwait: സൈറണുകള്‍ മുഴക്കും? മുന്നറിയിപ്പ് നൽകി കുവൈത്ത് ആഭ്യന്തരമന്ത്രാലയം
False Siren Test Kuwait കുവൈത്ത് സിറ്റി: ജനറൽ ഡയറക്ടറേറ്റ് ഓഫ് സിവിൽ ഡിഫൻസ് മുന്നറിയിപ്പ് സൈറണുകളുടെ പരീക്ഷണ ഓപ്പറേഷൻ നടത്തുമെന്ന സോഷ്യൽ മീഡിയ റിപ്പോർട്ടുകൾ ആഭ്യന്തര മന്ത്രാലയം ശക്തമായി നിഷേധിച്ചു. അത്തരം പരിശോധനകൾ ഔദ്യോഗികവും അംഗീകൃതവുമായ ചാനലുകൾ വഴി മുൻകൂട്ടി അറിയിക്കുമെന്ന് ഔദ്യോഗിക പ്രസ്താവനയിൽ മന്ത്രാലയം ഊന്നിപ്പറഞ്ഞു. പൊതുജനങ്ങൾ ജാഗ്രത പാലിക്കണമെന്നും വിശ്വസനീയമായ ഉറവിടങ്ങളെ മാത്രം ആശ്രയിച്ച്, പ്രത്യേകിച്ച് സുരക്ഷാ കാര്യങ്ങളുമായി ബന്ധപ്പെട്ട വിവരങ്ങൾ പരിശോധിക്കണമെന്നും മന്ത്രാലയം അഭ്യർഥിച്ചു. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/EeM9kQDbfi48HR9CEHANYT കിംവദന്തികൾ പ്രചരിപ്പിക്കുന്നത് പൊതു സുരക്ഷയ്ക്കും സാമൂഹിക സ്ഥിരതയ്ക്കും ഭീഷണിയാണെന്ന് മുന്നറിയിപ്പ് നൽകി. തെറ്റായതോ തെറ്റിദ്ധരിപ്പിക്കുന്നതോ ആയ വിവരങ്ങൾ പ്രചരിപ്പിക്കുന്ന വ്യക്തികൾക്കെതിരെ നിയമനടപടി സ്വീകരിക്കുമെന്ന് അധികൃതര്‍ ഊന്നിപ്പറഞ്ഞു. ബന്ധപ്പെട്ട അധികാരികളുമായി ഏകോപിപ്പിച്ച് തെറ്റായ വിവരങ്ങൾ കണ്ടെത്തുന്നതിനും പരിഹരിക്കുന്നതിനുമായി മന്ത്രാലയത്തിലെ പ്രത്യേക ടീമുകൾ സോഷ്യൽ മീഡിയ പ്ലാറ്റ്‌ഫോമുകൾ നിരീക്ഷിക്കുന്നത് തുടരുകയാണ്.
Comments (0)