Kuwait Arrest bottles of alcohol കുവൈത്ത് സിറ്റി: രാജ്യത്ത് ലഹരി വിരുദ്ധ വേട്ട ശക്തമാക്കി കുവൈറ്റ് ആഭ്യന്തര മന്ത്രാലയം. ജനറൽ അഡ്മിനിസ്‌ട്രേഷൻ ഫോർ ഡ്രഗ് കൺട്രോളിന്റെ നേതൃത്വത്തിൽ നടന്ന രണ്ട് വ്യത്യസ്ത ഓപ്പറേഷനുകളിലായി 1,560 കുപ്പി വിദേശമദ്യം പിടികൂടി. സംഭവത്തിൽ മൂന്ന് പേരെ അറസ്റ്റ് ചെയ്തിട്ടുണ്ട്. രണ്ട് ഇടങ്ങളിലായാണ് ക്രിമിനൽ സെക്യൂരിറ്റി വിഭാഗം പരിശോധന നടത്തിയത്. ഹവല്ലിയില്‍ ലോക്കൽ ആന്റി നാർക്കോട്ടിക് ഡിപ്പാർട്ട്‌മെന്റ് നടത്തിയ പരിശോധനയിൽ രണ്ട് പേരെ പിടികൂടി. ഇവരിൽ നിന്ന് 12 കുപ്പി മദ്യവും മദ്യവിൽപ്പനയിലൂടെ ലഭിച്ചതെന്ന് കരുതുന്ന 320 കുവൈറ്റ് ദിനാറും (ഏകദേശം 88,000 രൂപ) കണ്ടെടുത്തു. സാൽമിയയിൽ ഒരാളെ അറസ്റ്റ് ചെയ്യുകയും ഇയാളിൽ നിന്ന് 1,548 കുപ്പി വിദേശമദ്യം പിടിച്ചെടുക്കുകയും ചെയ്തു. വിൽപ്പനയ്ക്കായി എത്തിച്ച വലിയ മദ്യശേഖരമാണിതെന്ന് അധികൃതർ വ്യക്തമാക്കി. പിടികൂടിയ പ്രതികളെയും മദ്യശേഖരവും തുടർ നടപടികൾക്കായി ബന്ധപ്പെട്ട നിയമവിഭാഗത്തിന് കൈമാറി. രാജ്യത്തെ നിയമവിരുദ്ധ പ്രവർത്തനങ്ങൾ അടിച്ചമർത്തുന്നതിനും ലഹരിവസ്തുക്കളുടെ കള്ളക്കടത്തും വിൽപ്പനയും തടയുന്നതിനുമുള്ള ആഭ്യന്തര മന്ത്രാലയത്തിന്റെ നിരന്തരമായ ശ്രമങ്ങളുടെ ഭാഗമായാണ് ഈ നടപടിയെന്ന് അധികൃതർ അറിയിച്ചു. നിയമലംഘകർക്കെതിരെ കർശനമായ ശിക്ഷാനടപടികൾ സ്വീകരിക്കുമെന്നും സെക്യൂരിറ്റി വിഭാഗം മുന്നറിയിപ്പ് നൽകി.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

പാർക്ക് ചെയ്തിരുന്ന വാഹനങ്ങൾക്ക് തീപിടിച്ചു; അധികൃതരുടെ സമയോചിതമായ ഇടപെടലിൽ ഒഴിവായത് വൻ ദുരന്തം

Vehicle Fire in Farwaniya kuwait കുവൈത്ത് സിറ്റി: ഫർവാനിയയിൽ തുറസ്സായ സ്ഥലത്ത് പാർക്ക് ചെയ്തിരുന്ന നിരവധി വാഹനങ്ങൾക്ക് തീപിടിച്ചു. ചൊവ്വാഴ്ച പുലർച്ചെയാണ് സംഭവം നടന്നത്. വിവരമറിഞ്ഞ ഉടൻ തന്നെ ഫർവാനിയ ഫയർ സ്റ്റേഷനിൽ നിന്നുള്ള അഗ്നിശമന സേനാംഗങ്ങൾ സ്ഥലത്തെത്തി തീ അണയ്ക്കുകയായിരുന്നു. അഗ്നിശമന സേനയുടെ കൃത്യസമയത്തുള്ള ഇടപെടൽ മൂലം തീ കൂടുതൽ വാഹനങ്ങളിലേക്ക് പടരുന്നത് തടയാൻ സാധിച്ചു. അപകടത്തിൽ ആർക്കും പരിക്കേറ്റതായി റിപ്പോർട്ട് ചെയ്തിട്ടില്ല. തീ പൂർണ്ണമായും നിയന്ത്രണവിധേയമാക്കിയതായി ജനറൽ ഫയർ ഫോഴ്സ് അറിയിച്ചു. തീപിടിത്തത്തിന്റെ കൃത്യമായ കാരണം ഇതുവരെ വ്യക്തമായിട്ടില്ല. സംഭവത്തെക്കുറിച്ച് കൂടുതൽ വിവരങ്ങൾ ശേഖരിക്കാനും തീപിടിത്തത്തിന്റെ കാരണം കണ്ടെത്താനും അധികൃതർ വിശദമായ അന്വേഷണം ആരംഭിച്ചിട്ടുണ്ട്.