Vehicle Fire in Farwaniya kuwait കുവൈത്ത് സിറ്റി: ഫർവാനിയയിൽ തുറസ്സായ സ്ഥലത്ത് പാർക്ക് ചെയ്തിരുന്ന നിരവധി വാഹനങ്ങൾക്ക് തീപിടിച്ചു. ചൊവ്വാഴ്ച പുലർച്ചെയാണ് സംഭവം നടന്നത്. വിവരമറിഞ്ഞ ഉടൻ തന്നെ ഫർവാനിയ ഫയർ സ്റ്റേഷനിൽ നിന്നുള്ള അഗ്നിശമന സേനാംഗങ്ങൾ സ്ഥലത്തെത്തി തീ അണയ്ക്കുകയായിരുന്നു. അഗ്നിശമന സേനയുടെ കൃത്യസമയത്തുള്ള ഇടപെടൽ മൂലം തീ കൂടുതൽ വാഹനങ്ങളിലേക്ക് പടരുന്നത് തടയാൻ സാധിച്ചു. അപകടത്തിൽ ആർക്കും പരിക്കേറ്റതായി റിപ്പോർട്ട് ചെയ്തിട്ടില്ല. തീ പൂർണ്ണമായും നിയന്ത്രണവിധേയമാക്കിയതായി ജനറൽ ഫയർ ഫോഴ്സ് അറിയിച്ചു. തീപിടിത്തത്തിന്റെ കൃത്യമായ കാരണം ഇതുവരെ വ്യക്തമായിട്ടില്ല. സംഭവത്തെക്കുറിച്ച് കൂടുതൽ വിവരങ്ങൾ ശേഖരിക്കാനും തീപിടിത്തത്തിന്റെ കാരണം കണ്ടെത്താനും അധികൃതർ വിശദമായ അന്വേഷണം ആരംഭിച്ചിട്ടുണ്ട്.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

പുകവലിച്ചാൽ കടുത്ത പിഴ; കുവൈത്തിലെ മാർക്കറ്റിൽ പോലീസിന്‍റെ മിന്നൽ പരിശോധന

Public Smoking Crackdown Kuwait കുവൈത്ത് സിറ്റി: പരിസ്ഥിതി നിയമലംഘനങ്ങൾ തടയുന്നതിന്റെ ഭാഗമായി കുവൈറ്റിലെ പ്രശസ്തമായ അൽ-മുബാറക്കിയ മാർക്കറ്റിൽ എൻവയോൺമെന്റൽ പൊലീസ് വിഭാഗം വ്യാപക പരിശോധന നടത്തി. സെക്യൂരിറ്റി ഡയറക്ടറേറ്റ് അഫയേഴ്‌സ് സെക്ടറിന് കീഴിലുള്ള എൻവയോൺമെന്റൽ പൊലീസ് ഡിപ്പാർട്ട്‌മെന്റാണ് ഈ ഊർജിത ഫീൽഡ് ക്യാമ്പയിൻ സംഘടിപ്പിച്ചത്. പരിശോധനയിൽ പുകവലി നിരോധിച്ച അടച്ചിട്ട സ്ഥലങ്ങളിലും ഭാഗികമായി അടച്ച സ്ഥലങ്ങളിലും പുകവലിച്ചതിന് 30 പേർക്കെതിരെ നടപടിയെടുത്തു. പൊതുസ്ഥലത്ത് മാലിന്യം തള്ളിയതിന് ഒരാൾക്കെതിരെയും, ഉപഭോക്താക്കളെ അകത്ത് പുകവലിക്കാൻ അനുവദിച്ച ഒരു സ്ഥാപനത്തിനെതിരെയും നിയമനടപടികൾ സ്വീകരിച്ചു. നിയമലംഘകർക്കെതിരെ കർശനമായ നിയമനടപടികൾ ആരംഭിച്ചതായി അധികൃതർ അറിയിച്ചു. പരിസ്ഥിതി സംരക്ഷണ നിയമപ്രകാരം നിയമലംഘകർക്ക് വൻ തുകയാണ് പിഴയായി ഈടാക്കുക. നിരോധിത മേഖലകളിൽ പുകവലിച്ചാൽ 50 ദീനാർ മുതൽ 100 ദീനാർ വരെയാണ് പിഴ. ഉപഭോക്താക്കളെ പുകവലിക്കാൻ അനുവദിക്കുന്ന സ്ഥാപനങ്ങൾക്ക് 1,000 ദീനാർ മുതൽ 5,000 ദീനാർ വരെ വലിയ തുക പിഴ നൽകേണ്ടി വരും. പൊതുസ്ഥലത്ത് മാലിന്യം വലിച്ചെറിഞ്ഞാൽ 50 മുതൽ 500 ദീനാർ വരെയാണ് പിഴ. രാജ്യത്തിന്റെ ശുചിത്വവും പരിസ്ഥിതിയും കാത്തുസൂക്ഷിക്കുന്നതിനും നിയമവിരുദ്ധമായ പ്രവർത്തനങ്ങൾ തടയുന്നതിനുമുള്ള ആഭ്യന്തര മന്ത്രാലയത്തിന്റെ തുടർച്ചയായ ശ്രമങ്ങളുടെ ഭാഗമാണ് ഈ പരിശോധനയെന്ന് മന്ത്രാലയം ഔദ്യോഗിക ഇൻസ്റ്റാഗ്രാം അക്കൗണ്ടിലൂടെ വ്യക്തമാക്കി. നിയമനടപടികളിൽ നിന്നും സാമ്പത്തിക പിഴകളിൽ നിന്നും ഒഴിവാകാൻ എല്ലാവരും പരിസ്ഥിതി സംരക്ഷണ നിയമം പൂർണ്ണമായും പാലിക്കണമെന്നും നിരോധിത മേഖലകളിൽ പുകവലിക്കരുതെന്നും ആഭ്യന്തര മന്ത്രാലയം പൊതുജനങ്ങളോട് അഭ്യർത്ഥിച്ചു.